Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
habenn, damit es vonn neuen widerumbenn geschäzt, vnnd dem khindt zum bessten angewendet werdenn müge, gewislichen vnnd alspalten vnnder gericht zuerlegen. Act[um] den 18 decemb[ris] anno [15]81 ist[en], 63. (I. 99.V.) Michael Pair vnnd Saba Georgl beede burger alhie, sein hiemit durch richter vnnd rath irer strittigen geltschuldt acht vnnd zwainzig taller betreffent die Saba Georgl dem Pairn seinem fürbringen nach zuthuen sein solle, wellich[er] er aber nit gar bestendig gewesen, in der güette miteinander dahin verglichen wordenn, das Saba Georgl dem Pairn für dise gannze anforderung enttrichtfen] solle, benentlichen dreivnndzwainzig taller, halben thaill derselben alspaldtenn, vnnd denn vberrest bey straff fünf tal[er] in 14. tag gewislichen gar zubefridigen vnnd zubezallenn. Actum denn 18 decembfris] [15] 81 ist[en]. 64. (I. 99.v.-100.r.) In der sachenn derowegen sich maister Hannsen Englrambs wagners vnnd burgers alhie hausfrau clagerin an ainen, wider maister Georgen saillers daselbstfen] hausfrauenn, beclagten annderstailß, beschwert, belangent verschiner zeit habe sy ein leillichen verlohrn, vnnd das halb an der besagten dienst menschen gefunden, vnnd zubeweißung das ir, ein annder leillichen fürbracht, vnnd ir also solliches widerumben zuezusprech[en] gebettenn. Darauf die saillerin fürgewendet dises halb leillichen habe ir, ir muetter gebenn, vnnd bringe auch zur weißung ein leillichen für, aber das annder halb leillichen habe ir muetter mit irer ändl begraben lassenn. Gebenn hierauf richter vnnd rath zum abschiedt, weihen dise hanndlung ab wollen, der clagerin leillichen gleich gesehen, dennach nit genueg vnnd ein vnlauttere Sachen ist, vnnd zur genuegsamben weißung nit woll bequemlich, das sollich strittig leilich[en], armenn leuten gegebenn, vnnd aller deswegen habennder vnwillen genzlich[en] aufgehebt sein solle, das jenige auch nimermehr bei peenfahl zehen taller vnableslicher straf vonn dem verwirchtfen] thaill einzufordernn, auferlegt vnnd beuolchen word[en]. Actum denn 18 decemb[ris] ainvnndahzigist[e]n. 65. (I.lOO.v.-lOl.v.) Was die beschwärung herrn Felixen Seitmann statt richter wider Saba Mathe burger daselbstenn, belangt, das becklagter weeder Gabrieln Schwarz[en] in seinem abwesen angesezten richter nach hernach ime auf offters beschehen erfordernn, der gaab halben nit allain mit vngehorsamben außbleiben, sond[er]n wie ern ainstmallen zu sich bracht vmb seinen vngehorsamb verpotten vnnd straffen, also vngebierlichen verhaltenn, das er ime truzlichen geantworttet, er solle denn phennig so er ime geben welle schonn gesehenn habenn, er sey auch wie mann erfordert drejmall dahaimb gewesenn, welle mann das gelt habenn, so solle mann zu seinem vettern dem Missarusch Mattiaschen gehenn, des anndern tags sei bemelter Missarusch Matiausch, neben vnnd mit Schoß Matte, beeden burger vnnd des aussern rats zu ime khumenn vnnd gesagt, sein vetter solle khainen haller straff 119
