Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)

D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582

gebenn, welle ehr sein gannzes guet mit ime zuuerrechten wagenn, dem nach bitte er einenn ersamben rath zuerkhennen, wie, vnnd ob, er nit einen solichen vngehorsamben burger zustraffen hette. Hierauf haben angesezter richter vnnd rath verlassenn, herr clager werde in sollichenn vnnd dergleichen fähln, die ja vnnd ain mall straffwiertig, sein richterlich ambt vnnd also was sich gebiert darinen sy ime khain maß geben wollen, zuhanndlen wissenn. Actum denn achzehendten decembfris] anno [15]81 ist[en],

66. (I. 101.v-102.r.) In der sachenn derwegen Georg Andree burger alhie, wider Scallemi Tomasch[en] auch burger daselbstenn, fürkhumenn, mit anzaigen mann hette im auf seinem holzluß bey ein sechzig puert gärtfen] abgehabt, dabei habe er die hanndthakhen befundenn, darumben neme sich becklagt [er] das si sein sey ann, vnnd khünde also and [er] st nit gedenckh[en] allain er werde der sein, so ime disen schadenn gethann habe, darauf Scallemi Tomasch fürgeben, die hagckhen sey ja sein, vnnd Todt Georg habe ime denn luß da er gehackht, für denn sein anzaigt. Gebenn hierauf richter vnnd rath zum beschaidt mann solle mit eheistem der Sachen rechtfen] grundt erfahrenn, vnnd alßdann was recht ist gehanndlet werdenn. Actum den achzehendenn decembfris] anno ainvnndachzigist[en].

120