Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
saillers cammer gelost, vnnder deme habe sein gesell gemeldet, es sey der sailler gesell darinen, vnnd rede mit ir, vnnd wann mann die thüer wie sy es im willen gehabt gar verfundte so huelfe es nit, dann er khünde zum laden aussprichenn, vnnder dessen habe er maister Jörgen Schmidt, wegen viech schreienn hören, denn habe er zu sich berueffen vnnd zuuersteen geben, er wolle einen sailler vonn der saillerin, auß der cammer lassenn, obs aber der rechte wolte er seh[en] vnnd also mit einannder zur cammern gang[en] darann er wagner etlich mall gestossen, die cammerthüer also eröffnet, vnnd denn sailler gesellen Mathesen Cunrat herauß gehunde befundenn, so vili habe er dem gericht anzuzuzaigen pillichenn nit vnnderlassen sollen. Mellichor Vischer seines hanndtwerchs ein wagnergesell, bey bemelten maister Hannß Englramb arbaittent, zaigt dise verlohne hanndlung seines wißens ann, wie vonn seinem maister verstanndenn, das er disen saillergesellen in der saillerin cammer reden hörn, vnnd hernach wie sein maister mit dem Schmidt aufgethann, darinenn befundfen] vnnd herauß gehen sehfen], Maister Georg Schmidt vnnd burger alhie sagt verstanndtner massen hab ihme Hannß Englramb in der nacht zu sich geschriern, also anzaigt, gesehen, vnnd den vor gedachtenn saillergesellen bey der saillerin, seiner maisterin, in irer cammer persondlich vnnd gegenwerdtig befundjen], wie erzelt vnnd hieuor vermeldet word[en]. Thomann N. khlampferer daselbstenn zaigt ann, derselbenn nacht habe es sich vngefehr vmb zwelf vhr begebenn, das die saillerin inne gebetten er solle ir des wagners tüer aufmachenn, auf sollich ir begern sey er hindenn über denn zaun gestigen, die tüer eröfnet, vnnd widerumben zugespeert, was sich aber hernach weitter vnnd sonsten annders zuetragenn, wisse er nit, vnnd sey damallenn der saillergesell hinder ihnnen beim Obermair verbliben, da sey sein gannze wissenschafft. Hierauf herrn haubtmannß [etc.] beuelch gewesenn, die saillerin solte sich vmb diser vngebierlichen hanndlung vnnd zuuill spierlichen verdacht von hinen an annde orth wie si wisse, ziechen vnnd also vnuerzogentlich von dannen mach[en]. Aber auf ir saillerin vattern herrn Albrecht prediganten zu Räggendorff sonndern vleissigen bitten, ist durch richter vnnd rath biß auf wollgedachtes herrn haubtmannß zuekhunfft, vnnd weittern beschaidt, ein stillstandt bewilligt vnnd fürgenumen wordenn. Actum denn sechsten tag octobfris] anno [etc.] ainvnndachzig. 1581. november 61. (I. 98.r.) Nouember 1581. december 18. 62. December (I. 99.r.) Sigmunndten Pübinger vnnd Hannsen Luckhmann beedenn inwonnern alhie, ist hiemit durch richter vnnd rath auferlegt vnnd beuolchenn, die varnuß oder phanndt, so sy vonn Galln Luckhmannß verstorbnen hausfrauen in hannden 118
