Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
Khain außwerdtig[er] solte in d[er] wochenn, außer deß ornndlich vnnd wissendtlichen woch[en]marckht, khainen wagen mit fisch khauffjen] es sei vnnd gescheche dann vonn einem burger. Die frembdten sollen auch weeder vmb wein, visch, oxen, oder annder viech ausser der preuchigen jarmärckht, vnnder Altenburg nit raisenn sonndern solliches laut obernenten vnnsern rechten alhie erwart[en], Sy sollen auch khain vaß wein bey einem inwonner niderlegenn, es sey dann sach das sys einem Altenburger zukhauffen gebenn. Schlieslichenn so solte alles das jenige, es sein wahrn, gattungen, khuchl speisen, vnnd and[er] s, nach rechter maß, ein, gericht, oder von der hanndt, wie jedes hingeben wierdet nach christlichem gewin vnnd pillichen dingl verkhaufft werdenn, vnnd der jemandt es sei mit verkhauffenn oder erkhauffen, disem zuwider wie das were mit betrug erfunden wuerde, der solle mit nembung dessen darmit er betrüeglichen gehanndlet, vnnd sonnsten nach notturfft der pillichkhait ernnstlichen gestrafft werdenn. Actjum] denn neunzehendenn September anno ainvnndachzigistjen], 59.(1.92.v.-93.r.) Hierauf vnnd demnach ist durch richter vnnd rath, Georg Taninger burger alhie zum marckht richter erkhiest, vnnd wie er soliches ambt hanndien ein ausfierliche instruction zuegestelt, vnnd beuolchenn wordenn, daselbe inhalt vorbeschribner ornndbunng, vnnd yezbemelter seiner instructionn aufs vleissigist vnnd besste zu gemainem nuz, vnnd menigeliches fromen darumben er dann auch sein depudat zu empfachenn, zuuersehen vnnd mit guetter acht treulichist zuhanndlen. Act[um] vt supra. 1581. október 6. October 60. (I. 94.r.-96.v.) An hebt dato hat maister Hannß Englramb burger vnnd wagner alhie, fürbracht, alß nagstmallenn sein imnann Georg Stengfelner sailler auf denn marckht Prespurgg verraist, habe sich sein saillers hausfrau, nächtlicher weill auß dem hauß gegebenn, vnnd in Hannsen Obermairs behaußung darneben khumenn, was si aber daselbsten zuthuen gehabt, das wisset er nit, alß ime nun ir aussen sein zu lanng werden wellen, habe er wie dann darin auch einem wierth gepiern will sein hauß verschlossenn, vnnd sambt denn seinen zu rue ganngen. Nachmalß vngefehr vmb drei vhr nach mitter nacht, habe ime ein khindt so khranckh gewesen angefangen zuwainenn, da sey er aufgestannden vnnd ein licht anzint wellenn, wie er nun herauß ganngen, habe er sein hausthüer offen gefunden, darauf er vnwillig wordenn, vnnd sein thier abermallen gespert, vnnd wie er zu der saillerin cammer khumen, habe er darinenn zway miteinander reden hören, weillen er nun gewisst, das ir mann auf dem marckht, vnnd ir brueder auch nit bei weeg gewesen, habe er seinem gesellen namens Melchor Vischer geschriern, das anzaigt, vnnd neben ime ein weill an des 117
