Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
weckh schuldt zuhaben verdacht, vnnd derwegen an seinen ehrn vnnd hanndtwerch gescholtenn, weillenn es sich nit also sonndern anders befunden, ein freundlich abbitten vnnd widerumben ein christliches genüegen gethann, welches ime khierschnergesellen also auf sein bilich ersuech[en] durch herrn Stattrichter genuegsamber schein vnnd ofne khundtschafften erthailt word[en]. Actum denn 27 juny a[nno] [etc.] [15]81 ist[en]. 1581. június 28. 44. (I. 80.r.-80.v.) Anderäsch Mair Anthals burgers alhie leiblicher sonn, so vmb das er mit herrn statt richters khlainen dienst dierndl einem Cätl genandt, sein dierndls selbst beschechnen anzaigen nach nothvnzucht hat üben sollen, vnnd derweg[en] auf herrn haubtmanns verornndtnung zur straf vnnd biß auf weittern beschaidt im gmain khetterl fengckhlichen enthalten gewesen. Ist an hebt dato durch richter vnnd rath, weillen er solliches entgegen jed [er] zeit vernaint, sich vnsinig gesteh vnnd ausprechen wellen, auf seines alterlebten vnnd wolluerhaltnen vatters villfeltig vnnd hoches biten gegen diser seiner erbietlichen pürgschafft frey vnnd ledig gelassen worden, das er sollichen seinen sonn so offt vnnd wo hin mans begern wierde, bey verpfendtung leib vnnd guets stellen welle. Actum denn 28 tag juny anno ainvnndachtzigist[en ]. 45. (I. 80.v.-81.r.) An hebt dato denn achtvnndzwainzigistenn juny anno ainvnndachzigisten, haben sich richter vnnd rath, gegen Dorothea Wacheionin von Labach, wegenn ain hundert achtvnnddreissig guldenn reinisch, so auf Lorenzen Geigers burgers vnnd des jnnern rats alhie behaußung ligen, vnnd von weillenndt Hannsen Staudacher auf sy ehrlichen gefallenn, also vnnd der gestalt verschriben, nemblichenn das sy ir wochenlohnin iren sonn Pernhardten Eusenhardt alß gwalttrager, oder sonnsten wer sy derowegenn mit diser Verschreibung ersuechen wierdet, obbenberüerte summa gelts, auf denn ersten januarifi] des khumenten zwaivnndachzigisten jahrs, ohne allen schaden vnnd ainichen lengem Verzug gewislichen enttrichten vnnd bezallen wellen. Act[um] vt supra. 46. Julius (I. 82.r.) 1581. július 1581. augusztus 9. Augustus 47. (I. 83.r- 84,v.) In der sachenn derowegen herr Christoff Amerbach, römfisch] khay[serischen] M[ais]t[äts] gegenschreiber des haubtdreissigist Hungerischen Altenburg alhie, Georgen Pliembls eines schuelmaisters hausfrau, bey gericht fenglichen einziechenn, vnnd vor herrn räntmaister also beschwärt sein fürkhumenn, belanngent sein dienstdiernndl Cätl genandt entgegenn, habe seinem khindt ein pethen vnnderganngen, vnnd da ers mit einer siglpreß, damit sy die warhait wohin 112
