Kenyeres István - D. Szakács Anita - Mihály Ferenc: Magyaróvár Tanácsának Törvénykezési Jegyzőkönyvei az 1581-1582. években (Győr, 2012)
D. Szakács Anita: Rats- und Gerichtsprotokoll des Marktfleckens Ungarisch Altenburg 1581-1582
innen die khierschnerin mit einer diernn so einen peitl tragen, enthalben der schiacht prugckhen beim Blaben Ygl begegnet, da habe in der ain gesell Casper von Schni genandt, obs dise sey gefraget, deme hab ers nit, aber dem anndern Franzen von der Schweiniz gesagt, darauf Casper von Schni zu ir ganngen vnnd bespracht, obs nit von Hungerischen Altenburg, vnnd seines lanndtsmannß maister Balthausers weib sey, die es woll anfangs vernaint aber lestlichen bestandten, auf das haben sys von irem besen fürnemen die one allen zweifei vilbemeltem Stännzl khierschnergesellen nach ziechen wellen abgehalten, vnnd widerumben hinein auf Wienn pracht, alda sey sy ihme vndern Rot[en] Thuern verlohrn wordenn, wie er zeug nun widerumben auf Prugg, sey maister Balthauser zu jme khumen, vnnd gefragt wo er nit sein weib gesehen, da habe er ime gesagt sy sey zu Wienn vnnd welle nit mer haimb, was innen vnnd zur herberg ist wisse er nit, aber ein gesell denn er khenne, der wisse sy, alß ern nun weitter angeredet vnnd gebet[en] solle mit ime auf Wienn, so habe ers gethann, alda haben ime zwen maister also zuegesprochen, er solte die khierschnerin anzaigen, dann wann ers wisste vnnd nit thet, so wer er reuernenter ein schelbm, weillen ers aber ir nit gewisst, so habe er innen vorernenten gesellen Franzen von der Schweinniz der si wollgewisst genennet, darüber sy zu ime vnnd verer mit demselben zu ir ganngen, er sey aber nit mit gewesen, dickh ermelter Stännzl habe ime zeugen auch zwenn pazen geschenckht vnnd gebetten, er solte nimer hinab sonndern aufwerts ziechen, deme allem sey also vnnd khüne es bey seinem gewißen woll sag[en], Hürüber, ist die khierschnerin auf sond[er]e ires mannes fürbitt, vnnd in ansehung deren khlainen miteinander erworbnen khinder, durch herrn haubtmanns, dahin begnadet, das sy erstlichen in der khierchen ein gewöndlich geistliche pueß thuen. Richter rath vnnd andern, die außgeschitten schmachreden mit widerrueffen christlich abbitten solle, vnnd fürs andere ein orndliche vrphecht Verschreibung über sich zu geben, vnnd sich laut derselben auch sonnsten hinfüran gegen irem mann vnnd menigelichen, also wie einem erbarn weib woll ansteet, vnnd absond[er]lich so woll alß gegenwerdtig, vnnd dermassen zuuerhalten, damit sy wollgebierente straf vermeiden, vnnd nit vnableslich anzuthuen vrsachen gebe. Actum denn 21 tag juni[i] anno ainvnndachzigist[en]. 1581. június 26. 42. (I. 79.v.) Dise khierschnerin hat die anbeuolhenne Verschreibung laut aller auspierundten notturfft wie in derselben spierlich vnnd bemeldet, begriffenn vnnd specificierter beschriben, zu gericht erlegt. Actum 26 juny anno [etc.] [15] 81 ist[en]. 1581. június 27. 43. (I. 79.V,- 80.r.) Balthauser Khloß khierschner vnnd burger alhie, hat vornen benanten Leonhardten Schneider khierschnergesell, vmb das er ime an seines weibes 111
