Dreska Gábor: A pannonhalmi konvent hiteleshelyi működésének oklevéltára III. (1439-1499) - A Győri Egyházmegye Levéltár kiadványai. Források, feldolgozások 10. (Győr, 2010)
Oklevelek
5 10 15 20 25 30 35 232 Oklevelek 1481 733. 1481. szeptember 1. — A pannonhalmi konvent előtt Rozgonyi János fia István a Pest megyei Szada és Veresegyháza, valamint a Heves megyei Lőrinczi birtokát Busái Ungor János erdélyi vajdának ezer forintért elzálogosította a Pest megyei Gödöllő, Zsidó és Mácsa lekötésével. Üjkori másolat. DL 18547 (NRA 956 28). Nos conventus monasterii Sancti Martini Sacrimontis Pannoniae memoriae commendamus, quod egregius Stephanus filius condam magnifici Ioannis de Rozgon onera et quaelibet gravamina omnium fratrum et proximorum suorum super se assumens coram nobis personaliter constitutus per eundem confessum extitit pariter et relatum in hunc modum, quod nempe pro quibuspiam suis necessitatibus ipsum ad praesens summe urgentibus evitandis quasdam tres possessiones suas, puta Leörincze in Hevesiensi, Zada et Veresegyháza in Pestiensi comitatibus existentes et habitas simul cum universis utilitatibus et pertinendis ad easdem de iure et ab antiquo spectantibus et pertinere debentibus quibuslibet, videlicet terris arabilibus cultis et incultis, agris, pratis, sylvis, nemoribus, pascuis, aquis aquarumque decursibus, molendinis molendinorumque locis, montibus vinearum montiumque proventibus et generaliter quarumlibet utilitatum earundem integritatibus quovis nominis vocabulo vocitatis magnifico Ioanni Ungor dicto, alias vaivodae Transylvano de Busa pro 1000 florenis auri puri Hungaricalibus veri et iusti ponderis plene ad presens persolutis pignori obligasset, imo obligavit coram nobis tali modo, quod quandocunque sibi facultas redimendi suppeteret, extunc memoratus Ioannes Ungor vaivoda rehabitis prius dictis 1000 florenis auri ipsius prescriptas tres possessiones pacifice et absque litiginario processu ac difficultate remittere et resignare deberet et teneatur, assumens nichilominus praefatus Stephanus filius condam Ioannis de Rozgon annotatum Ioannem Ungor vaivodam in pacifico dominio trium possessionum praedictarum infra tempus redemptionis earundem contra quosvis impetitores propriis suis laboribus et expensis tueri atque defensare, ubi autem id facere nollet, nequiret aut recusaret quoquo modo, extunc idem Ioannes Ungor vaivoda in et ad alias possessiones Gedelö totalem ac Szidó et Macsa portiones suas possessionarias in eisdem possessionibus Szidó et Macsa omnino in comitatu Pestiensi existentibus et habitis, solummodo vigore praesentium descendi et eandem ac easdem pro se occupandi ac titulo pignoris tamdiu conservandi ususque et fructus earundem percipiendi, quousque easdem pro praemissis 1000 florenis auri ab eodem redimere posset, haberet potestatis facultatem, adque praemissa praefatus Stephanus Rozgon se sponte obligavit coram nobis harum nostrarum testimonio litterarum mediante. Datum sabatho proximo post festum Decollationis Sancti Ioannis Baptiste, anno 1481. 37-38 sabatho... ] 1481. szept. 1.
