Dreska Gábor: A pannonhalmi konvent hiteleshelyi működésének oklevéltára II. (1399-1438) - A Győri Egyházmegye Levéltár kiadványai. Források, feldolgozások 8. (Győr, 2008)
Oklevelek
5 10 15 20 25 30 35 40 1420 Oklevelek 129 de curia regia per nos ad id transmissus octavo die festi Beati Mychaelis archangeli tunc venturi et aliis diebus ad id sufficientibus ad possessionem Baraty annotati capituli et alterius Baraty ipsius conventus de Chorna vicinis et commetaneis earundem universis inibi legitime convocatis et partibus predictis vel earum legitimis procuratoribus presentibus accedendo primo prefatam possessionem Baraty ipsius capituli agentis a parte iam fate possessionis similiter Baraty ipsius conventus per metas et cursus metales in tenoribus litterarum ipsius domini Henrici palatini in prescriptis litteris annotati domini Bele regis privilegialibus confirmative insertarum contentas et expressas dictis litteris ipsius domini Bele regis per ipsum capitulum inibi specietenus productis, secundum demonstracionem procuratoris ipsius capituli, semper tamen ad illas plagas et loca, ad quas et que cursus ipsarum metarum in tenoribus litterarum dicti domini Henrici palatini prescriptarum eedem littere procedere denotarent, tendendo reambularet et signis metalibus consignaret, demum autem prefatam possessionem Baraty annotati conventus de Chorna a parte iam fate possessionis similiter Baraty dicti capituli per metas et cursus metales eiusdem per annotatum dominum archiepiscopum, fundatorem et patronum dicti monasterii de Chorna vel procuratorem eiusdem legitimum demonstrandas et ostendendos modo simili reambularet et signis metalibus consignaret, et si ipse partes in huiusmodi earum reambulacionibus et metarum demonstrationibus concordes fierent et sibi invicem non contradicerent, extunc cuilibet parti suum ius possessionarium metis evidentibus ad invicem distinctum statueret et committeret eisdem partibus perpetuo possidendum, partibus autem in premissis earum reambulacionibus et metarum demonstracionibus discordantibus et sibi invicem contradicentibus particulam vel particulas terrarum inter earundem partium demonstraciones in lite remanentem vel remanentes regali mensura mensurando vel visu considerando Deum habendo pre oculis estimaret lege regni requirente, ibidem etiam id, que ipsarum partium metas prescripte possessionis sue veriori, rectiori et apparenciori modo ostenderet et in sua reambulacione rectius procederet, aut que ipsarum partium in dominio ipsius terre litigiose in toto et in parte esset et existeret, videret et diligenter conspiceret. Et post hec ipsius possessionarie reambulacionis, metarum demonstrationis, (consignationis,) estimacionis, revisionis et statutionis [seriem, ut] fieret expediens, ad octavas dicti festi Beati Mychaelis archangeli legitime durandas domino nostro regi fideliter rescriberetis.5 A quibus quidem octavis dum prescripta nostra iudiciaria commissio eo, quod ipse partes hominem regium ad eam perficiendam transducere nequivissent, minime effectui deducta de termino in terminum seriebus litterarum nostrarum dilacionalium currendo octavas festi Epiphaniarum Domini proxime preteritas dilative attigisset denique ipsis octavis occurrentibus ac magistro Blasio de Vagh pro prefato capitulo Iauriensi cum procuratoriis litteris eiusdem ab una, parte vero ab altera Petro Litterato de Echer pro magistro Stephano de Kanysa, in quem presens causa mortuo prefato domino Iohanne archiepiscopo, fratre suo iuxta regni consuetudinem existit redacta, necnon prefatis fratre Anthonio preposito et 1-2 octavo die... ] 1416. okt. 6. 12 ipsarum] Utólag beszúrva a sor fölé. 22 eisdem] eiusdem 32-33 ad octavas... ] 1416. okt. 6. 35 ipse] Utána kihúzva: Petrus. 37 octavas...] 1420. jan. 13. 37 proxime preteritas] Utólag beszúrva a sor fölé.
