Neumann Tibor: A Korlátköviek. Egy előkelő család története és politikai szereplése a 15-16. században - A Győri Egyházmegye Levéltár kiadványai. Források, feldolgozások 5. (Győr, 2007)
Oklevélfüggelék
170 Függelék delibus serviciis ac fidelium obsequiorum meritis et sinceris complacendis fidelis nostri Osvaldi filii Georgii de Bwchan per ipsum in nonnullis nostris et regnorum nostrorum agendis sub locorum et temporum diversitate presertimque in partibus Italie cum nostra maiestate per non pauca tempora procedendo, et tandem tam contra perfidissimos hereticos hussytas Dei et nostros rebelles, qui certa loca et fortalicia in hiis superioribus regni nostri partibus occupata tenebant, se opponendo, quam eciam in conservacione castri nostri Swran vocati, quod idem a condam Striborio de Bolondoch olim domino suo tenebat et gubernabat, nuncque ad nostre maiestatis iussionem et mandatum nobis et nostris manibus tradidit et resignavit, non parcens rebus suis et persone serenitati nostre iuxta sue totalis possibilitatis exigendam exhibitis et impensis quoddam predium Zelench vocatum in comitatu Posoniensi habitum nunc desertum et habitatoribus destitutum, quod olim prefati condam Georgii patris ipsius Osvaldi prefuisse et per nostram maiestatem propter notam infidelitatis eiusdem condam Georgii, quam idem tempore disturbiorum regni nostri dudum sedatorum contra nostram incurrerat maiestatem, condam Nicolao de Harabor alias de Gethfalwa collatum extitisse perhibetur, nuncque per notam infidelitatis condam Petri filii prelibati Nicolai de Harabor, quam ipse Iohanni Smykouzky nostro et regni nostri notorio emulo ac partem hereticorum hussytarum foventi et nuper opidum Tapolchan tenenti adherendo contra nostram incurrit maiestatem, ad manus nostras regias devolutum simul cum singulis suis utilitatibus et pertinenciis quibuslibet, terris scilicet arabilibus cultis et incultis, agris, pratis, silvis, nemoribus, aquis, fluviis, aquarumque decursibus et generaliter quarumlibet utilitatum integritatibus quovis nominis vocabulo vocitatis ad ipsum predium de iure spectantibus et pertinere debentibus sub suis veris metis et antiquis ex certa nostre maiestatis sciencia et animo deliberato ac omni eo iure, quo idem nostre rite incumbit collacioni, prefato Osvaldo et per eum Ladislao fratri suo carnali ipsorumque heredibus et posteritatibus universis dedimus, donavimus et contulimus, ymmo damus, donamus et conferimus iure perpetuo et irrevocabiliter tenendum, possidendum pariter et habendum salvo iure alieno, assumpmendo nostro et successorum nostrorum, regum scilicet Hungarie nominibus prefatos Osvaldum et Ladislaum ac eorum heredes in pacifico dominio predii prenotati contra quosvis impetitores et actores conservare tuerique et defensare propriis nostris et eorundem nostrorum successorum sumptibus pariter et expensis harum nostrarum vigore et testimonio litterarum mediante, quas in formam nostri privilegii redigi faciemus, dum nobis in specie fuerint reportate. Datum in civitate nostra Tirnaviensi, feria quarta proxima ante festum Beate Elene regine, anno Domini millesimo quadringentesimo tricesimo quinto, regnorum nostrorum anno Hungarie etc. quadragesimo nono, Romanorum XXV0, Bohemie XV°, imperii vero secundo. 2. 1443. május 7. Gúti Ország Mihály főkincstartó és Szentmiklósi Pongrác szakolcai kapitány értesítik a morva rendeket, hogy a Pöstyén mezővárost elfoglaló Helfensteini Mesenspek Jánossal megállapodást kötöttek.
