Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
213 Hungariae, vel terras Transylvaniae, aut Moldaviae mitteret, aut Nandoralbam, vel aliquod castrum finitimum notabile obsideret, ita, quod sub illo moraretur, et pausaret, in hoc casu nos cum universo regno nostro Poloniae, et universo potentia, semota omni excusatione insurgendo, in auxilium suae maiestatis, et regno Hungariae venire, aut prout suae maiestati, et consiliariis suis commodius, et utilius videbitur. Interea temporis, dum ipse Turcus illis occupabitur, si quid ut prefertur Turcus venerit, nos cum gentibus nostris alias partes dominii ipsius Turci hostiliter aggredi, aut aliquem locum obsidere, et in tantum urgere debebimus, ut ipse Turcus regnum illud deferere, et ad sua tutanda redire compellatur. Similiter etiam si imperator Turcorum, vel etiam imperator Tartarorum, aut filii, sive duces eorundem per se propria in persona venirent, aut etiam bassam aliquem cum potentia, et integro exercitu suo contra regnum Poloniae, causa occupandi mitterent, et in eo remanerent, vel castrum Camenecense, seu Leopoliense obsiderent, ita, quod sub illo morarentur, et pausarent, in hoc casu sua quoque maiestas vicissim cum universo regno suo Hungariae, totaque potentia, et viribus suis, semota omni excusatione insurgendo, in auxilium nostrum venire, aut prout nobis et consiliariis nostris commodius, et utilius videbitur. Interea temporis dum videlicet Turcus (siquidem Turcus venerit) illicque occupabitur cum gentibus suis, alias partes dominii ipsius Turci hostiliter aggredi, aut aliquem locum obsidere, et in tantum urgere debebit, ut ipse Turcus regnum ipsum nostrum et dominia nostra deferere, et ad sua tutanda redire compellatur. Item si contingeret contra terram, seu waywodam Transalpinum Turcum insurgere et illud regnum, aut ad officialatus distribuere, vel penitus aliter, quam nunc, pro se usurpare voluerit, extunc cum ipsa maiestate fraterna, si per eam requisiti fuerimus, praefato waywodae subvenire debebimus, prout communi consilio melius videbitur. Quo quidem regno ab ipsis Turcis eliberato tenebimur postea cum universo exercitu nostro quam primum de illo exire, et redire, et regnum ipsum praedictae maiestati fraternae, et regno Hungariae pacifice, relinquere. Si vero hostis quicunque alius quam Turcus, aut Tartarus regna nostra, et partes sibi subiectas, vel eiusdem domini regis Hungariae fratris nostri invaderet, pars per alteram in tali casu requisita debebit alteri parti modo premisso invasae omni favore, consilio, et si regnum eiusdem protunc fuerit tranquillum, aliaque gravi necessitate eo tempore non premeretur, et omni possibili auxilio adesse,ut omnibus, et praesertim hosti illi pateat et innotescat, nos esse unum, et quod alter alterum deserere non intendit. Item quod neuter nostrum regum inconsulto alter altero aliquam pacem, vel concordiam cum Turcis facere debeat, sed simul illam habeamus, vel non habeamus; et serenissimus dominus rex Hungariae, qui cum illustrissimo domino venetorum una pro nunc cum Turcis treugas habet, quam primum exspirabunt, pro novis ineundis et disponendis simul nobiscum, et nos cum sua maiestate
