Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
214 medio oratorum nostrorum laborabimus; et si alter nostrum altero inscio Turcos provocaret, aut bellum illis indiceret, aut inferret in hoc casu alter alteri bella moventi succurrere non teneatur. Item si aliquando contingeret qualicunque ex causa inter nos et subditos hincinde nostros, aut ratione metarum, damnorum, vel aliarum quarumcunque rerum aliquam differentiam, vel diffensionem suboriri, per hoc pax ista perpetua inter nos, et dominia nostra facta, non intelligatur violata, sed quamprimum per utrumque nostrum regnum eligantur more alias consueto ad loca consueta certi probi homines, qui huiusmodi differentias videant, et solum Deum prae oculis habentes sub firmissimo iuramento iustitiam inter partes faciant, quemadmodum antiquitus semper observatum et adhuc tempore serenissimorum quondam Casimiri Poloniae, genitoris nostri carissimi, et Mathiae Hungariae regum felicis reminiscentiae ordinario facta fuit, ita, ut nulla unquam occasio infringendae huius pacis praestetur. Item quod salva sint iura negotiatorum in utroque regno antiquitus servata. Item quemadmodum uterque nostrum, et regna nostra sibi invicem assistere, consiliaque, et auxilia contra hostes modo praemisso invicem praestare debeant, sic nullus nostrum regum in damnum, iacturam, molestiam iniuriam, vel perturbationem alterius, et regnorum suorum cum aliquo principe, aut homine cuiuscunque status, et conditionis existente se confederare, aut amicitias quocunque modo contrahere debeat. Quae omnia supra scripta nos Sigismundus rex supra scriptus in omnibus punctis, conditionibus, et articulis, rata, et grata habentes, in verbo nostro regio promittimus, et pollicemur pro nobis, et haeredibus nostris, firmiter et illaese observare, et adimplere, observarique, et adimpleri facere harum nostrarum, quibus sigillum nostrum est appensum, vigore, et testimonio literarum mediante. Datum in consilio Piotrcoviensi generali prima die Aprilis anno Domini millessimo quingentesimo nono, regni vero nostri anno tertio. Ego Andreas archiepiscopus Gnesnensis et regni Poloniae primas, Ioannes Cracoviensis, Vincentius Wladislaviensis, Ioannes Posnaniensis, Lucas Varmiensis, Erasmus Plocensis, et Mathias Premisliensis regnique Poloniae vicecancellarius, episcopi, Spytko de Iaroslaw castellanus Cracoviensis, Nicolaus de Kamieniec Cracoviensis, Nicolaus Lubranski Calisiensis, Ambrosius Pampowski Siradiensis, et Mariemburgensis capitaneus, Iaroslaus de Lasko, Lanciciensis Nicolaus de Krethkow Iunivladislaviensis, Stanislaus Kmita de Wisnicz Russiae, Otho de Chodecz Podoliae, Nicolaus Firley de Dambrowica Lublinensis, Stanislaus de Strzensko Plocensis, Prandota de Trzozana Ravensis, et Ioannes Odrowaz de Sprowa Belsensis palatinus, Ioannes Zaramba de
