Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
201 vestigio de illo exire, ac redire, et regnum illud in pace, prout nunc est, nobis et huic regno relinquere. Item si in Turciam pro bono Reipublicae Christianae inter nos reges decerneretur generalis invasio, tunc qualitercunque et per quamcunque viam cum quantove exercitu ipse dominus Poloniae rex, frater noster proficisci et iter facere debebit; id communi consilio atque deliberatione discernatur, qua habita ipse serenissimus rex Poloniae tandem proficisci et se gerere debebit, et si aut veniendum aut mittendum gentes suae maiestati erit, nos in tali casu providebimus per hominem nostrum specialem, ut commode taxato etiam commeatu venire poterit. Item quaecunque castra, civitates et alia quaecunque loca in eiuscemodi expeditione a manibus hostium recuperata fuerint, ad eadem regna et eosdem dominos, ad quos antiquitus pertinuerunt, redeant et revertantur atque restituantur. Si vero prius aut ad nos et regna nostra, vel eiusdem serenissimi domini fratris nostri non pertinuerunt, sed de novo adempta fuerint, inter nos aequali, iusta et fraternali divisione pro magnitudine laborum et expensarum ad eadem factarum dividi debebunt. Si vero aut imperator Turcorum, vel etiam Tartarorum per se propria in persona veniret, aut filii sive duces Tartarorum venirent, aut etiam bassam aliquem cum potentia et integro exercitu suo causa occupandi regnum nostrum Hungariae, vel terras Transylvaniae aut Moldaviae mitteret, aut Nandoralbam, vel aliquod castrum finitimum notabile obsideret, ita quod sub illo moraretur et pausaret, in hoc casu ipsa fraterna maiestas cum universo regno suo Poloniae et universa potentia, semota omni excusatione insurgens, in auxilium nobis et huic regno nostro Hungariae venire, aut prout nobis et consiliariis nostris commodius et utilius videbitur. Interea temporis dum ipse Turcus illic occupabitur, siquidem ut praefertur, Turcus venerit, ipse dominus rex Poloniae cum gentibus suis alias partes dominii ipsius Turci hostiliter aggredi, aut aliquem locum obsidere, et in tantum vigere debebit, ut ipse Thurcus regnum nostrum deserere et ad sua tutanda redire compellatur. Similiter etiam si imperator Thurcorum, vel etiam imperator Tartarorum, aut filii, sive duces eorundem per se propria in persona venirent, aut etiam bassam aliquem cum potentia et integro exercitu suo contra regnum Poloniae mitterent, ita ut illud occuparent et in eo remanerent, vel castrum Camenecense sive Leopolim obsiderent, ita quod sub illo morarentur et pausarent, in hoc casu nos quoque vicissim cum universo regno nostro Hungariae, totaque potentia et viribus nostris, semota omni excusatione insurgentes in auxilium ipsius fraternae maiestatis venire, aut prout sibi et dominis consiliariis commodius et utilius videbitur. Interea temporis dum videlicet Turcus, siquidem Thurcus venerit, illic occupabitur, cum gentibus nostris alias partes dominii ipsius Turci hostiliter aggredi, aut aliquem locum obsidere, et in
