Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
200 Tartarorum in persona veniret, vel filios aut duces Tartarorum, vel Thurcus bassam aliquem cum omni sua potentia et viribus suis contra nos et regna nostra partesque sibi subiectas mitteret, ne praedictus waywoda Moldaviensis, tam praesens, quam etiam futurus, post tot accepta beneficia a nobis et hoc regno nostro Hungariae, defensioni Christianae Reipublicae, praesertim vero horum regnorum desit, seque a ferendo auxilio quoquomodo abstrahat: conclusum est, ut nos rex Hungariae ipsum inducere atque cogere debeamus, ut penes nos cum omni potentia sua et totis viribus suis insurgat, qui si hoc pacto insurgere noluerit, aut se nobis aliter qualitercumque rebellem ostenderit, vel etiam si propterea in tantum necessitas exigeret, ut talis rebellis waywoda etiam de regno et terra Moldaviae deturbandus et expellendus esset, in tali casu praedictus dominus rex Poloniae frater noster a nobis superinde requisitus, nobis ad hoc totis viribus suis et omni potentia sua iuvare et auxiliari tenebitur, et hoc etiam inter heredes nostros servandum intelligatur. Item quia nos praefatum waywodam Moldaviensem successoresque suos in iustis suis limitibus et terris per eosdem ac praedecessores suos antiquitus possessis, et ad ipsam terram Moldaviae pertinentibus tanquam fidelem nostrum, et sacrae coronae Hungariae, contra quoscumque defendere et protegere debemus: si tamen idem waywoda terras dictae fraternae maiestatis et regni Poloniae, ac de iure ad ipsum et terram suam non pertinentes occupare, vel aliter qualitercumque contra voluntatem nostram praefatae fraternae maiestati bellum inferre ausu quodam temerario vellet, aut etiam Thurcos, seu Tartaros in perniciem christianitatis contra dictum dominum regem et regnum Poloniae induceret, et hoc evidenter ac probabiliter constaret, in hoc casu nolumus illi contra dictam fraternam maiestatem, sed potius eidem fraternae maiestati contra illum auxiliari, et contra eundem waywodam tanquam nostrum et regni nostri Hungariae rebellem, et regni Poloniae hostem una cum praefato domino rege Poloniae, per nos tamen prius superinde requisito agere atque eundem waywodam nos rex Hungariae ad honestam et convenientem damnorum satisfactionem compellere volumus. Item si contingeret, quod waywodam et terram Moldaviae imperator Turcorum, aut Tartarorum, vel ambo simul invadere, ipsiusque terram occupare vellet, nosque et hoc regnum viribus et potentiae illorum impares essemus, in hoc casu ipse serenissimus dominus rex Poloniae per nos requisitus cum omni potentia sua et regnorum suorum in auxilium nostrum ad defendendum dictum waywodam insurgere et venire debeat, ut eundem ab eorundem imperatorum, et cuiuslibet eorum invasione subiectioneque paribus et coniunctis viribus liberemus. Quamprimum tamen illud a manibus et potentia dictorum hostium eliberaverimus, tenebitur ipse dominus rex Poloniae cum universo exercitu suo e
