Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
189 Kazimiri Poloniae regis primogenitus, huic inclito regno Hungariae, et serenissimus princeps dominus Iohannes Albertus eadem gratia rex Poloniae, germanus noster charissimus regno Poloniae, patrio et avito, uno eodemque tempore felici regimine praeessemus, ut videlicet quos arctissimo sanguinis fraterni vinculo coniunctos esse ipsa divina miseratio voluit, auctores etiam reintegrandae reformandaeque pacis et amicitiae perpetuae inter haec duo regna non satis bene paulo ante, ut supradictum est, inter se concordantia, felici auspicio tribueret, nostrisque coeptis et adoperationibus non solum inter nos mutuae necessitudinis et benivolentiae concordia, verum et inter haec duo regna pax perpetua et intelligentia certissima, veraque mutuae vicinitatis benivolentia firmaretur, ut videlicet communi auxilio horum regnorum et nostro invicem concurrente, truculentissima rabies Thurcorum christianae fidei hostium longe lateque in fines christianos excurrentes, et nunc potissimum inclito regno Poloniae debachans, a subiectis potissimum utriusque nostrum regnis et dominiis, et a christianis cervicibus arceatur, ac per haec ista duo regna mutua pace et concordia stabilita, felici quiete et tranquillitate potiantur. Cum igitur firmandae vel potius reformandae pacis et amicitiae ac optimae vicinitatis renovandae gratia, proque innovandis foederibus et quibusvis dissensionum fomitibus sopiendis, ipse serenissimus dominus rex Poloniae frater noster fidelem suum spectabilem et magnificum dominum Petrum Kmytha de Wysznycze supremum marscalchum regni sui Poloniae oratorem suum nuper cum pleno mandato suo ad nos misisset, nos vero tandem reverendum in Christo patrem dominum Dominicum episcopum ecclessiae Waradiensis, ac generosum et egregium Balthasarem de Bathyan, alias banum et capitaneum castrorum regni nostri Boznae, necnon venerabilem Nicolaum de Bachka, praepositum Sancti Petri in castro Agriensi oratores nostros fideles dilectos ad eandem fraternam maiestatem de consilio praefatorum dominorum praelatorum et baronum huius regni consiliariorum nostrorum similiter cum pleno mandato misissemus, medio eorundem oratorum utriusque partis pacem ipsam conclusive foedera etiam et inscriptiones amicitiae perpetuae ad laudem et gloriam Dei omnipotentis pro totius fidei christianae defensione, proque regnorum nostrorum incremento, praesidio et tutela innovavimus prout et literas inscriptionis praefatae fraternae maiestatis ad nos superinde reportatas praefati oratores nostri nobis praesentaverunt, infrascriptos articulos sententionaliter in se continentes, qui in haec verba sequuntur. Imprimis quod serenissimus dominus frater noster rex Poloniae intervenientibus nobis, spectabili et magnifico Stephano wayvodae et terrae Moldaviae pacem perpetuam reliquit, omnesque differentias, offensas et damna contra maiestatem suam his praeteritis temporibus per ipsum wayvodam qualitercumque illata, intuitu nostro condonavit, ita ut inter ipsum dominum regem Poloniae et illustrissimum principem dominum Alexandrum magnum ducem Lithwaniae,
