Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 155
155 74. 1474. április 24. Buda. Magyar főpapok és bárók megerősítik a magyar és lengyel király között Ófaluban kötött szerződést. Nos Nicolaus, Dei gratia rex Boznae etc. Iohannes Strigoniensis, Gabriel Colocensis archiepiscopi, Albertus Wesprimiensis, Iohannes Chanadiensis, Demetrius Iauriensis, Nicolaus Waciensis, Thomas Nitriensis, Benedictus Bosnenis, Nicolaus Thiminensis, Sigismundus Quinqueecclesiensis, alter Sigismundus Sirmiensis ecclesiarum episcopi, Michael Orzag de Gwth, regni Hungariae palatinus, comes Stephanus de Bathor, iudex curiae regiae, Iohannes Ernsth, regni Sclavoniae banus, Iob de Gara, Mathyus de Maroth banus Machoviensis, Stephanus de Peren, thavarnicorum regalium magister, Nicolaus Banfy de Alsolyndwa, comes Posoniensis, Iohannes Thwz de Laak, Ladislaus Banfy de Marczaly, Emericus de Palocz regiae maiestatis marschalcus, Symon de Homonna, Georgius Bebek de Pelsewcz; Emericus banus de Hederwara, ceterique praelati et barones regni Hungariae, totum idem regnum repraesentantes. Notum facimus tenore praesentium, significantes quibus expedit universis. Quod cum pridem de voluntate serenissimi principis et domini domini Mathiae Dei gratia regis Hungariae, Bohemiae, etc. domini nostri gratiosissimi ac de communi consilio et deliberatione nostra et omnium nostrorum, reverendi in Christo patres domini Gabriel Albensis Transylvanae, cancellarius regius, et Osvaldus Zagrabiensis ecclesiarum episcopi, necnon spectabiles et magnifici Emericus de Zapolya Comes perpetuus Scepusiensis et Iohannes Pangraczy de Dengeleg alias waywoda Transylvanus, generalis capitaneus exercituum regalium. Item venerabiles et egregii Georgius Quinqueecclesiensis apostolicus prothonotarius et Gaspar Sancti Martini de Scepusio ecclesiarum praepositi, praelati et barones ac consiliarii dicti regni Hungariae, fratres nostri, ab una ac consimiliter de voluntate serenissimi principis domini Kasimiri, eadem gratia regis Poloniae, de communi quoque consilio et deliberatione praelatorum et baronum eiusdem regni Poloniae, reverendi in Christo patres necnon magnifici domini Jacobus archiepiscopus Gnesnensis, Iohannes Cracoviensis episcopus, Dobeslaus Kmythe de Wyfnycze castellanus Lublinensis et Iohannes de Rythwyany ipsius regni Poloniae marschalcus consimiliter praelati et barones ac consiliarii praefati regni Poloniae ab alia partibus, pro pace concordiaque et amicitia inter ista duo regna, scilicet Hungariae et Poloniae, in perpetuum firmanda, in loco ad hoc antiquitus consueto, prope scilicet antiquam villam, iuxta fluvium Dwnawycz, in comitatu Scepusiensi, in confinibus praefatorum regnorum Hungariae et Poloniae sitam et exsistentem, in simul convenissent, resque et negotia eorundem utrorumque regnorum inter se maturius pertractassent, ac in bonam intelligentiam et unionem deduxissent praesente in omnibus, et approbante venerabili et egregio domino Bartholomaeo
