Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 156
156 de Massa decretorum doctore, vice et nomine reverendissimi in Christo patris, domini Marci tituli Sancti Marci Sanctae Romanae ecclesiae cardinalis, patriarchae Acquilegiensis, et apostolicae sedis legati etc. concluserunt inter se ac unanimi eorum voluntate atque parili consensu firmaverunt certos articulos et conclusiones super perpetua pace atque concordia inter eosdem serenissimos principes dominos Mathiam et Kasimirum reges, ac ipsorum successores reges Hungariae et Poloniae, necnon inter eadem utraquae regna ac principes, provincias ad eadem regna et Sacras Coronas eorundem pertinentes, mediantibus litteris eorundem dominorum praelatorum, baronum ac consiliariorum utrorumque regnorum sigillis ipsorum propriis impendentibus consignatis approbatos, et tandem per praefatos serenissimos dominos Mathiam et Kasimirum reges similiter vigore e efficacium eorum litterarum et litteralium instrumentorum acceptatos et ratificatos et roboratos, prout in eisdem litteris clarius continentur, quorum articulorum tenor sequitur in haec verba, et est talis... 74 Nos itaque praelati et barones praefati visis eisdem articulis quia eosdem non solum pro communi bono, bona amicitia et statu tranquilliori dictorum utrorumque regnorum et praefatorum serenissimorum regum ac eorundem successorum, verum etiam pro utilitate totius reipuplicae Christianae, per praefatos dominos consiliarios eorundem utrorumque regnorum pertractatos, conclusos et approbatos esse, ac tandem per eosdem serenissimos principes acceptatos, ratificatos et roboratos fuisse, clare intelleximus, habita inter nos plena et matura deliberatione eosdem articulos et omnia in eis contenta nos quoque acceptavimus, approbavimus et ratificavimus acceptamusque, approbamus et ratificamus ac in eosdem consentimus per praesentes, promittentes in fide ac honore et humanitate nostris [...]75 praefatum serenissimum dominum Mathiam regem, dominum nostrum gratiosissimum ac praedictos consiliarios regni Hungariae, fratres nostros quod eosdem articulos, et conclusiones per omnes distinctiones et continentias ipsorum in omnibus suis punctis, clausulis, sententiis, et capitulis universis firmiter et inviolabiliter et effectualiter observabimus, et per omnes subditos nostros et ad nos pertinentes cuiuscunque status et conditionis aut linguagii existant, omni dolo et fraunde semotis faciemus inconcusse observari. In quorum omnium et singulorum praemissorum fidem et testimonium praesentes litteras nostras sigillis nostris propriis impendentibus fecimus communiri. Datum Budae in conventione nostra generali super die festi Beati Georgii martiris ibidem habita. Anno Domini millesimo quadringentesimo septuagesimo quarto. 74 Ld. a 69. sz. oklevél rendelkezéseit. 75 A szó olvasata bizonytalan.
