Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 148
148 71. 1474. február 21. Ófalu. Mátyás magyar király és Ulászló, Kázmér lengyel király első szülött fia, megbízottaik által három évre fegyverszüneti egyezséget kötnek. Részletesen szabályozzák , hogyan járjanak el a fegyverszüneti megállapodást meg sértőkkel szemben. Nos Gabriel Albensis Transsilvanae, Osvaldus Zagrabiensis, ecclesiarum episcopi, Emericus de Zapolya comes perpetuus Scepusiensis et Iohannes Pangracii de Dengeleg alias wayvoda Transsilvanus, generalis capitaneus exercituum regalium, Georgius Quinquecclesiensis, apostolicus protonotarius et Gaspar Sancti Martini de Scepusio, ecclesiarum praepositi, praelati et barones ac consiliarii regni Hungariae, tenore presentium notum facimus quibus expedit universis. Quod nos, postquam divino munere in hunc dietae locum cum reverendissimis in Christo patribus et magnificis dominis Iacobo archiepiscopo Gneznensis, Iohanne Cracoviensis, ecclesiarum episcopo, Dobezlao Kmythe de Wysnycze castellano Lublinensi et Iohanne de Rythwyanny regni Poloniae marschalko, praelatis et baronibus ac consiliariis regni Poloniae, convenimus et eodem iuvante domino perpetuam pacem et concordiam inter haec duo inclita regna conclusimus et pariter fecimus, considerantes plurimum ipsis regnis ac toti reipublicae cristianae conducere, si etiam in regno Bohemiae treugae pacis ad tres annos a data presentium integros, inter serenissimum principem dominum Mathiam Hungariae Bohemiae etc. regem dominum nostrum gratiosissimum et illustrissimum Wladislaum serenissimi principis domini Kazimiri similiter Poloniae regis primogenitum fierent et conservarentur ac debitae circa id provisiones adhiberentur, tandem post tractatus aliquot mutuo habitos pari voluntate et ordinatione infrascriptos articulos confecimus et conclusimus. Tenor vero ipsorum articulorum de verbo ad verbum sequitur et est talis: In primis conclusum est, quod abhinc usque ad tres annos continuos et integros sint treugae pacis inter serenissimum principem dominum Mathiam Hungariae etc. regem ac illustrissimum Wladislaum etc., super differencias inter ipsos principes vertentes pro negotio regni Bohemiae, ita et taliter, quod neuter contra alterum aliquid hostiliter intentet nec per alterum aut alios intentare faciat, directe vel indirecte, palam vel occulte, quacumque ex causa et sub quocumque colore; si autem alter eorum quoquomodo contravenire vellet, subditi eius non teneantur nec debeant eum in tali casu aliquo pacto iuvare. Item, quod praefati principes et quilibet eorum omnes sibi subditos obedientes et adherentes in praefato regno et provinciis sibi adherentibus teneatur vigore huius presentis conclusionis ad integram observandam praedictarum treugarum inducere et etiam cogere.
