Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)

Oklevélszövegek - 147

147

quod nec ipse praefata regna aut alterum eorum sive pertinentes ad ipsa vel alterius ipsorum invadat damnificet aut molestet; alioquin pars laesa, praemissa admonitione, ut de illatis satisfaciat, poterit se defendere et contra illum invasorem et damnificatorem absque laesione mutuae pacis istorum regnorum agere, quoad compescatur. Praeterea deliberatum est, quod super iuribus utriusque regni super dicta provincia Moldaviae in dieta instituta videatur et examinentur dicta iura aequitate requirente; et pro quacumque parte ibi diffinitum fuerit, nihilominus praetacta treuga observetur.

Item quod inscriptiones tredecim civitatum in terra Scepusiensi utrimque observentur in omnibus eorum punctis capitulis et clausulis, prout praefatae inscriptiones sunt emanatae.

Quos quidem articulos ut supra descriptos et dispositos nos praelati et barones praefati nomine et vice praedicti serenissimi domini nostri regis ac totius regni observare et per eosdem observandos pollicemur et promittimus sine omni dolo et fraude. In quorum omnium et singulorum praemissorum fidem et testimonium praesentes litteras nostras sigillis nostris propriis communiri in pendenti fecimus. Datum in Antiqua Villa, feria secunda proxima ante festum Cathedrae Beati Petri apostoli, anno domini millesimo quadringentesimo septuagesimo quarto.

Lecta et collationata per me Iohannem Sapienski.

Jelzete: AGADW, Dok. Perg. Nr. 5583.

MH: 11520–27.

MNL OL DF: 292 997.

Közli: Mon. Pol. XIV. 184–186. o. 160. sz.

Pergamenen, melynek mérete kb. 54x25 cm. Díszített kezdő „N” betű. Plicán egy sorban hat, címzés nélküli pergamenszalagon függő ép viaszpecsét. Négy vörös és kettő zöld viaszba nyomva. (N. Á.)