Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 138
138 et praesentem securitatem de quibus dictos oratores et quemlibet eorum tutos et securos reddimus et facimus in omnibus capitulis, clausulis, punctis, articulis et condicionibus huic salvuo conductui et securitati servientes per nos et universos principes, ecclesiasticos et seculares, palatinos, comites, barones, vasallos, milites, clientes, armigeros, civitates, communitates et quosvis universaliter regnicolas et subditos nostros cuiuscumque status, condicionis et praeeminentiae fuerint, tam in civitatibus, castris, fortalitiis, quam extra et alias ubicumque locorum in eundo et redeundo firmiter et inviolabiliter inconcusseque et illaese tenere et observare tenerique et observari debere. Neque eidem salvuo conductui nostro in aliquo derogare vel contravenire directe vel indirecte, publice vel occulte aut quocumque ingenio vel colore per se vel per submissas personas non obstante etiam quod ubi aliquos ex servitoribus, familiaribus et comitiva praefatorum oratorum regni Bohemiae cum servitoribus, familiaribus et comitiva oratorum nostrorum casu aliquo levitate vel eventu rixas aut sanguinis effusionem vel qualescumque laesiones et offensas inter ipsos fieri oririque continget per hoc nichilominus praesens noster salvus conductus non debeat in aliquo violari, sed omnis dissensionis et offensae materia ad cognitionem et decisionem partis utriusque refferre harum quibus sigillum nostrum praesentibus est appensum testimonio litterarum. Datum Budae, feria sexta proxima ante festum Ad vincula Beati Petri Apostoli. Anno Domini millesimo quadringentesimo septuagesimo tertio, regnorum nostrorum anno Hungariae etc. sexto decimo, Bohemiae vero quinto. Ad mandatum domini regis Jelzete: AGADW, Dok. Perg. Nr. 5555. MH: 11506–8. MNL OL DF: 288 989. Közli: – Pergamenen, melynek mérete kb. 52x27 cm. Hajtásoknál kissé foltos. Pergamenszalagon Mátyás harmadik cseh királyi kisebb pecsétje. (N. Á.) (Györkös Attila–Tóth Orsolya)
