Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 136
136 et poenis ecclesiasticis, similiter in prioribus litteris nostris inducialibus contentis, a vobis serenissimi reges et illustrissimi domini, subditis, vasallis regnisque vestris inviolabiliter observandas, prorogandas duximus, prout tenore praesentium prorogamus, praedictos omnes et singulos articulos, clausulas, conditiones et puncta ac obtestationes, censuras et poenas ecclesiasticas in prioribus litteris nostris inducialibus, quas utriusque vestrum maiestati serenissimi reges per nuntios nostros misimus contentas, ita praesentibus pro expressis habentes, ac si omnes de verbo ad verbum earumque toti tenores praesentibus includerentur, in quo ad priores nostras litteras induciales nos plene remittimus, volentes in hoc ad eas, cum opus fuerit, recursum haberi. Ceterum licet eiusmodi treugarum prorogatio ob sanctae Sedis Apostolicae reverentiam, et tam necessarii boni tractandi causa fuerit coram nobis, praesentibus honorabilibus viris et discretis notariis praefatis, ab oratoribus vestris, serenissimi reges, maiestatum vestrarum nomine, quantum in ipsis est, approbata et acceptata, nihilominus maiestates vestras harum serie rogamus in Domino, precamur, commonemus et eisdem sub praedictis obtestationibus, censuris et poenis ecclesiasticis, eadem auctoritate apostolica, ex parte omnipotentis Dei et beatorum apostolorum eius Petri et Pauli praecipimus et mandamus, quatenus dictam oratorum suorum approbatione et acceptatione prorogationis induciarum eiusmodi, a nobis indictae, coram nobis factam, ita acceptam, ratam, gratam, firmam stabilemque habeatis et inviolabiliter observetis, et a subditis, vasallis regnisque vestris integre, absque dolo et fraude observari faciatis, ac si maiestates vestrae in propria persona dictam prorogationem coram nobis approbassent et acceptassent. Qua in re, et regnorum vestrorum quieti et saluti consuletis, et ab omnipotenti Deo retributionem capietis. In quorum omnium et singulorum fidem et testimonium praemissorum praesentes nostras litteras fieri nostrique sigilli fecimus appensione communiri. Datum Nissae sub anno a Nativitate Domini millesimo quadringentesimo septuagesimo tertio. Decimo octavo Kalendas Maii pontificatus sanctissimi in Christo patris et Domini nostri, Domini Sixti divina providentia papae quarti anno secundo. Jelzete: AGADW, Dok. Perg. Nr. 5578. MH: 11503–5. MNL OL DF: 292 993. Közli: Dogiel, I. 67–68 o. XXIV. sz. ; Katona, Tom. VIII. Ord. XV. 648–651. o. Pergamenen, melynek mérete kb. 48x28 cm. Az oklevél kiállítójának keresztneve díszített nagybetűvel szerepel. Zsinórón vörös viaszú függőpecsét töredéke. (N. Á.)
