Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 113
113 59. 1440. március 9. Krakkó. Magyar követek oklevele, amely szerint a magyar rendektől Erzsébet királyné beleegyezésével kapott felhatalmazásuk alapján az előző napon a krakkói székesegyházban Magyarország királyává nyilvánították III. Ulászló lengyel királyt. Nos Johannes Dei gratia episcopus Segniensis et gubernator abbatiae de Sancto Gothardo, Mathko de Talloucz regnorum Dalmatiae, Croatiae et totius Sclavoniae banus, Johannes de Peren magister thavarnicorum regalium, Ladislaus de Palloucz magister curiae regalis et Emericus de Marczaly magister dapiferorum regalium et comes comitatus Simigiensis, ambasiatores dominorum praelatorum, principum, comitum, baronum et procerum regni Hungariae, per eos unanimiter cum plenissimo mandato ex consensu serenissimae principis dominae Elizabeth reginae Hungariae, modernae dominae nostrae gratiosissimae ad excellentissimimum principem dominum Wladislaum regem Poloniae deputati, significamus harum tenore, quibus expedit universis, quod cum alias venientibus ad praefatum regnum Hungariae et consequenter antelatos dominam nostram reginam, praelatos et principes, comites, barones et proceres praedicti regni magnificis Johanne de Coneczpole cancellario huius regni Poloniae ac Petro de Kurow castellano Sandeczensi ex parte praefati domini regis Poloniae, ac praelatorum ac baronum eiusdem regni in certa et notabili legatione, ibidem promissum fuisset pro responso finaliter ad huiusmodi legationem ipsorum dando certos ex praelatis et baronibus dicti regni Hungariae mitti debere. Tandem ipsi domini praelati, principes, comites, barones et proceres ipsius regni Hungariae nuper in congregatione generali Budae celebrata constituti matura deliberatione praehabita promissioni ipsorum praetactae satisfacere cupientes, de consensu, ut praemisimus, antelatae dominae nostrae reginae unanimiter et communi voluntate ad transeundum in huiusmodi ambasiata ad ipsum dominum Poloniae regem ac praelatos et barones suos tradita nobis plenissima informatione nos elegerunt. Nos vero officio huiusmodi legationis assumpto, in hunc locum ad ipsum dominum Poloniae regem ac praelatos et barones suos venientes, atque iuxta praetactam nobis traditam informationem, ea quae peragenda erant cum eisdem Deo volente concludentes, die hesterna vigore mandati nobis traditi nostro ac praetactorum omnium praelatorum, principum, comitum, baronum et procerum regni Hungariae nominibus de consensu antelatae dominae nostrae reginae ipsum dominum Wladislaum regem Poloniae in eiusdem regni Hungariae cunctorumque regnorum et tenutarum ac pertinentiarum eiusdem regem et dominum rite elegimus, atque in cathedrali ecclesia castri Cracoviensis, ubi maior fidelium fuerat multitudo, publice in regem Hungariae electum fore
