Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 112
112 traditam in loco, ubi praefatus dominus rex Poloniae reperiri poterit, aut in quo idem eis audientiam praestare voluerit, ad conveniendum cum eodem domino rege ac praelatis et baronibus dicti regni Poloniae ac conferendum, necnon ad petita respondendum ac tractandum, agendum et componendum, concordandum, pacemque et concordiam cum ipsis secundum intentionem nostram eis cognitam faciendum, firmandum et concludendum, firmataque et condicta ac conclusa, stipulationibus sub nostrae fidei puritate nostri ac subditorum huius regni coronae parte roborandum, litterasque opportunas desuper confectas seu conficiendas tradendum, et vice versa ab ipsis domino rege ac praelatis et baronibus suis promissiones et consimiles stipulationes et litteras recipiendum, approbandum et gratificandum, omniaque alia et singula dicendum, faciendum, gerendum et exercendum, quae pro huius pacis, seu concordiae et conclusionis dirigenda et procuranda unione quomodolibet utilia fuerint seu etiam opportuna, quae et nos faceremus seu facere possemus, si his, quae per eos agentur et concludentur, nos omnes contingeret personaliter interesse, etiam si talia essent, quae mandatum exigerent magis speciale, ratum et firmum habentes et de fide bona habere promittentes quicumque per praefatos nostros ambasiatores, vel maiorem eorum partem ac etiam illos, qui illac accedere et attingere poterunt, dictum, gestum, conclusum et firmatum fuerit quomodolibet nostri parte immutabiliter quoque in his, quoad omnes clausulas et articulos conclusionis eorum persistemus, contradictione qualibet praetermissa, praesentium litterarum nostrarum, quas potiorum ex nobis sigillis communiri fecimus, testimonio mediante. Datum Budae, in festo Beatae Priscae virginis et martiris, anno Domini millesimo quadringentesimo quadragesimo. Jelzete: AGADW, Dok. Perg. 5574. MH: 11336–50. MNL OL DF: 289 005. Közli: Mon. Pol. XII. 409–411. o. 268. sz. Regeszta: Óváry I. 433. sz. Pergamenen, melynek mérete 50x24 cm. Plicaturán tizenhárom darab pecsét függ (négy vörös viaszú főpapi, két vörös viaszú főúri és hét zöld viaszú főúri pecsét) beíratlan pergamenszalagokon, természetes színű pecsétfészkekben. (N. Á.) (Tóth Péter)
