Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 111
111 58. 1440. január 18. Buda. Az országgyűlésen jelen lévő főurak, főpapok, előkelők, és nemesek oklevele, amellyel teljhatalmú megbízást adnak követeiknek János zenggi püspöknek, Tallóci Matkó horvát, dalmát, szlavón bán nak, Bátori István volt ország bírónak, Perényi János tárnokmesternek, Pálóci László ajtónállóm esternek és Marcali Imre somogyi és verőcei ispánnak, hogy Lengyelországban tárgyalásokat folytassanak III. Ulászló lengyel királlyal és a lengyel főurakkal. Praelati, principes, comites, barones, milites, proceres et nobiles regni Hungariae nunc in congregatione generali Budae constituti notum facimus universis per praesentes, quod quia prout tam ex forma scriptae responsionis nostrae nuper magnificis viris Johanni de Koneczpole regni Poloniae cancellario ac Petro de Kurow castellano Sandeczensi, ambasiatoribus serenissimi principis domini Wladislai Poloniae regis, necnon reverendorum patrum ac magnificorum virorum praelatorum et baronum ipsius regni Poloniae hic pridem constitutis traditae, quam etiam expost ex certarum nostrarum litterarum serie colligitur, nostri fuit propositi certis promissionibus firmati, ut ad dandum et aperiendum dictis dominis regi ac praelatis et baronibus Poloniae super rebus et petitis per praefatos eorum ambasiatores propositis nostrum finale responsum aliquos etiam alios tractatus peragendo certos et notabiles ambasiatores nostros ad conspectum praefatorum dominorum regis et praelatorum ac baronum Poloniae nostro omnium nomine mittere et destinare. Ideo secundum praetactum nostrum propositum, mutuis plurimorum dierum colloquiis et tandem unanimi deliberatione praehabitis, carissimos fratres nostros reverendum in Christo patrem dominum Johannem episcopum Segniensem, necnon magnificos viros dominos Mathkonem de Tallowcz, regnorum Dalmatiae et Croatiae ac totius Sclavoniae banum, Stephanum de Bathor pridem iudicem curiae regiae, Johannem de Peren magistrum tavarnicorum regalium, Ladislaum de Paloucz magistrum ianitorum regalium et Emericum de Marczali Simigiensis et de Werewcze comitatuum comitem ac magistrum dapiferorum regalium de nostri medio ad transeundum in huiusmodi ambasiata nostra versus et ad dictos dominos regem ac praelatos et barones Poloniae duximus deputandos, imo deputamus et ipsos ad id unanimiter eligimus per praesentes, quibus omnibus simul et etiam maiori parti eorundem atque in casu, quo aliquis seu aliqui ex eis vel infirmitate, vel notabili et inevitabili occupatione et necessitate praeventi et occupati, aut ex quacumque alia inpotentiae causa illac accedere nequierint, etiam illis, qui ex ipsis nostro nomine illac accesserint, dedimus et attribuimus, imo damus et tribuimus per praesentes plenissimum mandatum facultatemque et auctoritatem pro nobis et nostro ac totius regni et subditorum eius nomine secundum informationem eis
