Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 105
105 Oklevélszövegek 55. 1439. február 10. In oppido Namslaw. János zenggi püspök mint pápai legátus, a III. Ulászló lengyel é s Albert római király közti béketárgyalások folytatása é s befejezése céljából ez év június 24-ig fegyverszünetet rendel el, melyet Albert király biztosai is elfogadnak. In nomine Domini amen. Universis et singulis innotescat praesentium ex tenore, quod nos Iohannes episcopus Segnensis, sanctissimi domini nostri domini Eugenii divina providentia papae quarti et apostolicae sedis legatus, post varios susceptos exhibitosque labores pro pace perpetua reformanda et firmanda inter serenissimos principes dominum Albertum Romanorum etc. ex una et dominum Wladislaum Poloniae reges et illustrem principem Kazimirum fratrem suum ex altera partibus, propter difficultates in tractatu huiusmodi pacis emergentes illam ad praesens perficere prout optabamus non potuimus, licet saepe et cum maxima attentione apud Wratislaviam inter praefatum dominum regem Romanorum etc. et insignes ambasiatores domini regis Poloniae diu tractavimus, nec non post diaetam in praesenti opido assignatam inter solemnes utriusque partis ambasiatores, qui in ea convenerunt, diligentissime laboravimus. Et considerantes, quod res arduae difficiliter fuerint et licet in uno tempore impedimentum recipiant, alio tempore dei misericordia adiuvante recipiant complementum, idcirco ne tantum bonum totaliter laberetur et huius pacis tractatus penitus rumperetur et propter eius rupturam bella et caedes insurgerent in populo christiano, nos inter praefatos dominos reges et dominum Kazimirum et utrorumque seu cuiuslibet eorum principes barones nobiles subditos adhaerentes et coadiutores et terras ac dominia eorum et cuiuscunque eorum, sufferentiam et tollerantiam a gwerra et treuga seu treugarum inducias auctoritate sanctissimi domini nostri papae et apostolicae sedis indicimus et statuimus, duraturam a die datarum praesentium usque ad festum sancti Iohannis Baptistae in mense Iunii proxime venturi usque ad solis occasionem, et quod tempore medio in festo Ascensionis Domini proxime venturi diaeta solemnis teneri et celebrari debeat in locis contentis in inscriptionibus regnorum Hungariae et Poloniae hactenusque observatis, pro continuatione tractatus pacis perpetuae, ad quam iidem domini reges et dominus Kazimirus per se aut per oratores suos pleno mandato fulcitos convenire teneantur, in qua diaeta dei misericordia concedente speramus, quod pax perpetua sequetur. Et ut haec treuga gratior et sincerior videatur et indicium aliqualiter praestet pacis perpetuae futurae, ei deliberavimus adiungendum, quod omnes
