Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
90 48. 1423. március 14. Késmárk. Zsigmond király salvus conductus-t biztosít mindazoknak a lengyel nemeseknek, akik részt vesznek a közte és Ulászló király között kialakult konfliktus rendezésére összehívott gyűlésen Sramovicz ében. Nos Sigismundus Dei gratia Romanorum rex semper augustus ac Hungariae, Bohemiae, Dalmatiae, Croatiae etc. rex significamus tenore praesentium, quibus expedit, universis, quod cum in conventione proxima praeterita in oppidis nostris Kesmark et Libicze vocatis in terra nostra Scepusiensi existentibus de nostro ac serenissimi principis domini Wladislay eadem Dei gratia regis Poloniae etc, fratris nostri karissimi mandato et voluntate celebrata praelati et barones utriusque nostrum inter se ad sopiendum, complanandum et tollendum disscensiones et odia inter ipsum dominum regem Poloniae ac inclitum principem Allexandrum alias Vitoldum magnum ducem Lytwaniae ab una et nostram maiestatem parte ex altera satore zizaniae dyabolo procurante suscitata et exorta super dominicam Reminiscere proxime praeteritam in Schramowicze et Antiqua Villis terminum posuissent, tamen ad continuandam huiusmodi conventionem praelati et barones dicti domini Wladislai regis Poloniae etc. iam ipsis in ipsa Schramowicze congregatis per nos in praedicta Kesmark sunt invitati et ibi nos nostrique praelati et barones cum ipsis praelatis et baronibus domini regis Poloniae congressi conventionem praedictam incepimus celebrare. Et tandem causis intervenientibus legittimis et motivis nostri Antiquam Villam et praefati domini Vladislai regis Poloniae etc. praelati et barones villam Schramowicze praesenti conventioni elegerunt. Ut autem ipsis in ipsa Schramowicze existentibus haec inchoata conventio valeat tutius et feliciter terminari, eisdem praelatis et baronibus, videlicet reverendissimis in Christo patribus dominis Alberto Dei gratia Cracoviensis, regni Poloniae cancellario et Johanni Wladislawiensis ecclesiarum episcopis, Johanni decano Cracoviensi, regni Poloniae vicecancellario, Johanni de ?arnow palatino, Nicolao de Michalow capitaneo Cracoviensi, Sandiwogio de Ostrorog Poznawiensi, Johanni de Toliscrow Calisiensi, Mathie de Labisczin Wladislawiensi palatinis, Michaeli Sandomeriensi, Floriano Wisliciensi, Dobeslao Wovniciensi castellanis, Georgio alias Gedigoldus capitaneo Podoliae et Sbigneo de Brzeze marscalco regni Poloniae antedicti et aliis, quos sibi duxerint ad haec tractanda negotia adhibendos, ac omni ipsorum comitive, quam secum habuerint, ceterisque omnibus cum ipsis ad dictam conventionem venientibus vel venire volentibus simul vel seorsum et tam ad praedictam villam Schramowicze, quam ad alia quaecumque propria loca vel extranea ipsis et eorum cuilibet accommoda sive ad tractanda super praedictis odiis etc. sive alia facienda salvum conductum nostrum et securitatem plenam, integram,
