Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
71 39. 1412. március 17. Lubló. Zsigmond magyar király oklevele, amely szerint esküvel kötelezte magát arra, hogy barátságot tart Ulászló lengyel királlyal és sem ellene, sem örökösei ellen nem cselekszik. János esztergomi érsek, Cillei Henrik és Garai Miklós nádor megígérik, hogy Zsigmondot az eskü megtartására biztatják. Sigismundus Dei gratia Romanorum rex semper augustus et Hungariae, Dalmatiae, Croatiae, Ramae, Serviae, Galatiae, Lodomiriae, Bulgariaeque rex, etc. recognoscimus et tenore praesentium profitemur serenissimo principi domino Wladislao regi Poloniae, fratri nostro carissimo ad fidem puram et perfectam servandam nos per votum iuramenti ligno crucis vivificae per nos tacto corporaliter praestiti obligatum et astrictum, quidquid iuramentum seu fidei sacramentum sibi fecimus et praestitimus per formam verborum infrascriptam: Ego Sigismundus rex Romanorum semper augustus et Hungariae rex, etc. iuro, quod exnunc fidem servabo domino Wladislao regi Poloniae, etc. fratri nostro carissimo et ipsum semper prosequar sinceris favoribus et liberos suos legitimos ac heredes, bonum status et honoris ipsius procurando et commoda ac profectus eius ordinando ubilibet, nec unquam ad optinenda bona, regna, terras, principatus et dominia, quae nunc habet et in futurum habiturus est, volo attendere, vel ad perimendam seu perdendam vitam eius vel mortem sibi procurandam quomodolibet aspirare aut cogitare, sed ubicunque mali aliquid et sinistri de ipso scivero, audivero et sensero, ipsum fideliter praemuniam et sibi contra insidias omnium inimicorum suorum firmiter toto posse assistam dolo et fraude quibuslibet procul motis, eumque ac liberos suos legitimos et heredes nunquam deseram, ymmo pro honore et statu eius bona profectus et commoda ipsius tamquam propria procurabo, ordinabo et disponam, quamdiu vitam duxero in humanis. Sic me Deus adiuvat et sancta crux, sanctaque Maria mater Christi et omnes sancti. Et ut maior caritas, certitudo atque securitas inter praedictos serenissimos principes, dominos Sigismundum Romanorum et Hungariae ac Wladislaum Poloniae reges augeatur et concrescat, nos Johannes miseratione Divina archiepiscopus Strigoniensis, Hermannus comes Cyliae et Zagoriae, etc. Nicolaus de Gara palatinus regni Hungariae promittimus et spondemus, quod ipsum dominum Sigismundum Romanorum et Hungariae regem, dominum nostrum gratiosum ad hoc tenebimus et nostris hortaminibus inducemus, quod iuramentum suum praedicto domino Wladislao regi Poloniae cum matura et bona deliberatione factum et praestitum in omnibus articulis, clausulis et conditionibus tenebit ad tempora suae vitae constanter et servabit, nec umquam praedicto domino Sigismundo regi Romanorum et Hungariae, domino nostro gratioso huius contrarium consulemus. Praeterea nos Sigismundus praedictus
