Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
68 purae et sincerae fraternitatis praefati domini Wladislai regis nolentes turbare et impedire, ideo dispositum extitit et firmatum, ut quotienscumque Turci et infideles terras coronae Ungariae cum valido exercitu invaderent ac eandem depopulare et devastare molirenrur, aut quandocumque nos, praefatus Sigismundus rex contra praedictos Turcos ac infideles mille lanceas vel plures armaremus et contra ipsos in expeditionem extra fines regni nostri Hungariae destinaremus, extunc ad nostram intimationem et significationem idem rex Poloniae, frater noster carissimus mandare debebit supradicto Moldvano, ut ipse propria in persona cum sua tota potentia nobis et nostro exercitui succurrat et obsequia praestet fideliter et constanter salvo, si Moldvanus ipse infirmitate notabili et gravi extunc esset praeventus, quo casu nichilominus potentiam suam cum rectore exercitus sui idoneo transmittere debebit, vel si saltem in servitio memorati domini Wladislai regis, fratris nostri charissimi cum sua potentia protunc foret praeoccupatus, qui si de mandato memorati domini Wladislai regis, ut praelibatur, in succursum contra Turcos vel infideles personaliter venire, vel infirmitate praeveniente mittere suam potentiam recuset, extunc nos ambo, videlicet Sigismundus et Wladislaus reges simul debebimus terram Moldaviae non obstante praedicta obligatione potenter invadere et ipsum waywodam Moldvanum ab eadem amovere et ditioni nostrae subiungere, obtentamque inter nos reges dividere et per limites seu terminos infrascriptos distinguere et celebrare tali modo, quod silvae maiores Bucowina dictae incipiendo de montibus seu ab alpibus regni Ungariae inter eandem terram Moldaviae et terram Sepenicensem situatae penes Sereth protendentes se ad aliam silvam minorem Bucowina dictam usque ad fluvium Pruth debent per medium dividi seu dimidiari et quod forum Jasuasarher in sinistra parte situm maneat pro eodem domino Wladislao rege Poloniae, etc. forum vero, seu villa Berleth in dextra parte sita maneat nobis, Sigismundo regi et coronae regni nostri Ungariae. Transcenso autem fluvio Pruth residuae silvae directe procedendo per campos desertos usque ad mare pari modo cum eisdem campis desertis per medium dividantur ita, quod Feyeruar alias Belegrod cum aequali medietate pro supradicto domino Wladislao rege Poloniae, etc. et Kilia cum alia aequali medietate pro nobis, Sigismundo rege et corona Ungariae maneat taliter dimidiatae et divisae. Et pars illa, quae ex tali divisione cedet domino Wladislao regi praedicto, remaneat in manibus eiusdem sub forma pacis et treugarum super terra Rusciae superius expressarum. Ubi autem praefatus Moldvanus constanter et fideliter mandata per praefatum dominum Wladislaum regem Poloniae, etc. sibi iniungenda in nostrum subsidium et succursum adimplebit, tunc praedicta totalis terra Moldvae remanebit apud eundem etiam post obitum alterius nostrum regum praedictorum ad quinquennium sub foedere treugarum praedictarum, salvo iure partis utriusque.
