Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
69 Item, si aliquis vel aliqui ex subditis cuiuscumque nostrum alterius regnorum nostrorum aut terrarum aliquas vastationes, praedas, rapinas vel incendia vel alia quaecumque maleficiorum genera in regnis et terris alterius commiserit vel commiserunt, quod per hoc treugae praemissae non infringantur, sed quod idem malefactores ad satisfactionem iudicialiter compellantur ita, quod damna per ipsos facta de bonis eorum resarciantur. Et si iudicio parere contempnerent, uterque nostrum ipsos tamquam maleficos persequi et impugnare tenebitur et debebit. Et ut praelibatur, nullo dissensionis, displicentiae, controversiae et maleficiae genere superveniente, quotiescumque ex accidente interrumpi possit et debeat quomodolibet vel dissolvii foedus treugarum et inscriptionum praedictarum, sed ut in talibus delicta non remaneant impunita, disposuimus, ut undecunque contingant in talibus delinqui ac excessum fieri, recurratur et intimetur per iniuriam et damnum patientem ad alterorum oppidorum, utpote de incolis regni Ungariae ad oppidum Sandecz et de incolis regni Poloniae ad oppidum Leucze, quae quidem oppida teneantur iudicibus hincinde ex utraque parte deputatis ac deputandis casum, delictum et excessum intimare et ipsos invocare, ut in termino competenti iudices quatuor nostri, videlicet comites comitatuum de Sarus, Scepusiensis, Wyuariensis et Zempliniensis protunc constituti et per nos deputati ad iustitiam et quaerelam incolae de Polonia in Antiquavilla, et ex adverso iudices totidem per praefatum Wladislaum regem constituti, in literis suis nominatim expressi, utpote Sandecensis et Wayniciensis castellani, iudex et subcamerarius Cracoviensis etiam pro tempore constituti in villa Schramovicz ac in eisdem locis minor pars iudicum eorundem, prout rei qualitas depoposcerit, conveniant ac iudicium ac iustitiam faciant simpliciter et de plano, necnon subterfugiis cessantibus in delinquentes digne animadvertant. Et in corroborationem, fidem ac testimonium cautelae ulterioris sigilla praelatorum, baronum et procerum regni nostri, quorum nomina inferius describuntur, penes sigillum nostrum regale praesentibus sunt appensa. Nos quoque miseratione Divina Joannes archiepiscopus Strigoniensis, comes perpetuus, Strigoniensi et Collocensi provinciis primas et apostolicae sedis legatus et aulae Romanorum regis cancellarius, Stiborius Agriensis, Stefanus Transsilvanus, Johannes Jauriensis, Philippus Nitriensis et Ladislaus Tininiensis episcopi, necnon Hermanus comes Ciliae, Nicolaus de Gara palatinus regni Ungariae, Stiborius wayvoda Transsilvanus, comes Symon de Rozgon judex curiae regiae, Philippus de Ozora comes ?emesiensis, Johannes Bebek de Pelsewcz tavernicorum, Johannes filius Henrici ianitorum, Johannes filius Gregorii pincernarum, Petrus Cheh agazonum magistri, Nicolaus de Czak pridem wayvoda Transsilvanus, Petrus de Peren pridem comes Siculorum, Zuborius thesaurarius, Paulus Bissenus banus, Nicolaus Treutel de Newna, Filpes de Corogh, Nicolaus de Hederuar ianitorum, Georgius de Ilsua filius palatini pincernarum, Desev
