Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
57 Syculorum, Johanne de Rosgon, Stephano de Nana, Petro de Brizovicz, comite Scepusiensi Mattheusch Palocz comite de Borsod castellano de Dziusdzur, Johanne de Humenna, ad eandem conventionem per serenissimum principem dominum Sigismundum regem Hungariae, etc. missis de speciali et expresso mandato serenissimi principis domini Wladislai regis Poloniae, domini nostri gratiosissimi ad hunc finem devenimus et hoc in eadem conventione conclusimus: primo et principaliter, quod treugae pacis per serenissimos principes dominos Sigismundum Hungariae etc. et Wladislaum Poloniae etc. reges, regnaque, et dominum Allexandrum, alias Withowd et subditos et coadiutores ipsorum firmiter inviolabiliterque ac christianice a die datae praesentium usque ad festum Assumptionis Beatae Mariae Virginis gloriosae, proxime affuturum, debent teneri et servari ita, quod interim ipsis stantibus et firmiter observatis, pro firmanda pace perpetua praedicti serenissimi principes et domini Sigismundus Hungariae etc. et Wladislaus Poloniae etc. reges ipsi die Dominico Carnisprivii proxime affuturo, quo in ecclesia Dei esto mihi decantatur, vel alia die, si quam eis aptiorem invenerint, ipse dominus Sigismundus Hungariae in Kesmarg, vel in Lubowla; et dominus Wladislaus rex Poloniae in Sandecz, debent constitui et ibi demum de personali conventione per ipsos facienda, die et loco aptis provideri; ad quam utrique quilibet ipsorum regum venire debet, nisi infirmitate aut aliquo alio notabili ac legittimo impedimento esset impeditus; quod utique impedimentum, si occurrerit, unus alteri significando declarabit. Si autem, quod absit, habita conventione, ut praemittitur, personali, ipsi domini Sigismundus Hungariae et Wladislaus Poloniae reges perpetuam inter se non fecerint unionem, ex tunc ad festum Beatorum Philippi et Jacobi Apostolorum proxime affuturum, iuxta seriem litterarum in Iglavia, alias in Nowavilla, confectarum praelati et barones domini Sigismundi regis Hungarie etc. in Antiqua, et praelati et barones domini Wladislai regis Poloniae in Schramovicze, villis, ad idem faciendum precise et directe debent iterum convenire, et omnes displicentias, dissensiones ac iniuriarum materias inter eosdem dominos Sigismundum Hungariae et Wladislaum Poloniae reges currentes et exortas, per modum concordiae aut iudicialiter, seu rigore iustitiae, prout in litteris praedictis in Iglavia, seu in Novavilla confectis describitur, decidere rectificare, et complanare. Quae quidem litterae per praelatos et barones in Iglavia, alio nomine in Novavilla, pro perpetua unione inter praedictos dominos Sigismundum Hungariae et Wladislaum Poloniae reges facienda confecte et conscripte non obstantibus hiis inscriptionibus, quas ad conventiones per dominos praedictos, Sigismundum Hungariae et Wladislaum Poloniae reges habendas, et treugas, quas ad festum Assumptionis Beatae Mariae proxime affuturum, servandas conficimus et facimus, praesentibus in omnibus earum clausulis, articulis, punctis, conditionibus, sententiis, debent inviolabiliter observari et teneri ac etiam in suo robore permanere. Illo etiam addito specialiter et expresso,
