Csepregi Zoltán: Magyar pietizmus 1700-1756. Tanulmány és forrásgyűjtemény a dunántúli pietizmus történetéhez. Budapest 2000. (Adattár XVI-XVIII. századi szellemi mozgalmaink történetéhez 36.)

Forrásgyűjtemény - 100 forrás

trorum onere a schola abstcrreantur. Parentes in cura liberorum segnes et sordidi prae aliis vitiosis coarguendi, imo ne honorifica quidem in funebri concione mentioné digni reputandi. 1 Tim. V 8. 4. Advenae etiam alliciendi. Reverendi porro fratres monendi, ut frequenter officia parentum erga liberos urgeant, quorum neglectu liberos turpiter sint prodituri. In visitationibus reverendi seniores et advenas evocent, ut coram eos officii sui commonefacere possint. Urgeant, ne ipsos parentes pigeat vel pudeat praeceptorum vicém in domesticis docendis obire. Hoc est mandátum Domini. Deuter. II.6.7. XI.19. 5. Introducenda per ecclesias praeparatio primum accedentium ad sacram coenam, per reverendos dominos fratres sedulo et sufficienti tempore instituenda cum reiteratione foederis baptismalis cum Deo. Ac commodum foret huic operi dies destinare quadragesimales. II. Curabunt adultiorum ecclesiam, ut fundamento semel iacto bene inaedificari, vel quod in iaciendo fundamento neglectum est, restitui possit. 1. Invigilabunt ergo, ut reverendi domini fratres non arbitrario quocunque modo concionentur, sed intendant, ut cum Paulo, Actor. XX.27. Universum Dei consilium adnuntient, neque ullam partem credendorum et agendorum in doctrina catechetica praetermittant, quin occasione ex textibus ordinariis sumta sufficienter et perspicue tradant ac adplicent. Quoniam vero iuxta Psal. 21.1. cet. [?] potissimae doctrinae sacrae partes in conversione ad Deum et in fide in I. Christum sitae sunt, has in omnibus concionibus pro scopo supremo sibi propositas habeant. 2. Ut vero vivo verbo annuntiata tanto altius animis auditorum infigantur, operam dent, ut auditores a suis pastoribus diligenter ad lectionem Scripturae Sacrae et bonorum librorum manuducantur. Neque putent durabilem laborum fructum relicturos, si auditores non ad ipsos fontes adsuefiant. Commendandum inter et adultioribus neglectis Studium lectionis cum librorum bonorum comparatione. Curandum, ne ulla supersit domus, quae non vel exigua instructa sit bibliotheca, e.g. cantionali, precum libro, catechismo, Novo Testamento, etc. Hoc potissimum in coedbus publico cultu destitutis omni opere urgendum. 3. Invigilent porro, ut ad mentem instructionis superintendentalis et canonum quotidiana Bibliorum lectio et explicatio in omnibus introducatur ecclesiis. Quae ne taedium nimia prolixitate auditoribus creent, cantilenae et preces adhibendae sunt breviores, ipsa lectio per sectiones breviores continuanda. Commode vero ab initio Novembris ad ferias usque pentecostes frequentari possunt. 4. Curandum, ut medio bonorum librorum passim cultus etiam domesticus instituatur. Faciet id diebus sacris tum ad repetenda ea, quae publice audita sunt, tum ad continuandam semel bene coeptam devotionem et evitandas consuetas sacri diei profanationes; sed nec profestis diebus, praesertim hyeme, negligenda sunt domestica sacra. Imo commendandum, ut ipsas operas rusticas sacris melodiis ac piis sermonibus auspicari. 5. Catechisationes pariter introducendae, non in Scholas tantum, sed et in publicum coetum, ut adultiores non tantum per liberos suos aedificentur, sed et quomodo ipsi domi cum suis de sacris rebus sermocinari debeant, erudiantur. 6. Attendant, ut reverendi domini fratres in administratione sacramentorum non tantum devote et ad normám agendorum omnia agant, sed et auditores diligenter de fine et recto usu eorum informent. Praesertim vim foederis baptismalis fideliter inculcent.