Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1583
Brunensis). Hoc tam solerti praeceptore qui me etiam plus quam paterno affectu prosequutus est, cum totum biennium &: amplius cum felici studiorum meorum auspicio & successu usus sum, fideliter pietatis, linguarum & artium fundamentis iactis, de eiusdem consilio ad pleniorem ingenii cultum percipiendum Freibergam Misniae missus, ibi in nobili Gymnasio studia bene coepta continuavi. Et cum biennium plus minus etiam telam studiorum pertexuissem privataque institutione honestorum civium filios erudiissem, et jam ad maiores disciplinas ingenium praeparassem meum, in hanc Vitebergensium Academiam Anno Christi 76 me contuli. In hac vero ea qua potui ac par erat studio & diligentia in eXeuS-eptwv .xai inque puriore & sinceriore philosophia atque linguarum studiis ali- quousque progressus animum ad sacrosanctae Theologiae studium applicaui & id coniunxi. Ac cum hic ad pedes D. praeceptorum & celeberrimi huius Academiae senatus in hac schola integros VI cum dimidio annos beneficio & munificentia Academiae (perpetua memoria digna) enutritus fuerim et illi studia & operam meam probaverim, postea magno ornatissimi collegii Philosophici consensu Anno 82 mensis Martii die 20. Decano viro Clarissimo M. Andrea Francken- bergero Meiningensi Franco oratoriae professore publico in optimarum artium rectissimorumque studiorum magistrum sum renudatus & promotus. Tandem elapso semestri post in patriam me contuli et illinc vocationis literis a senatu & generoso ac inclyto domino Johanne Spanofski acceptis huc reversus. — O. Leyser. [10. April.] 216. Ego Valentinus M i t z i u s Otczouiensis Pannonius prima elementa studii literarii in patria ieci, tandem in Sepusium profectus Cibinii primum vnum annum sub Johanne Vltreich, viro doctissimo, honestis literis operam dedi, tandem Eperies me contuli, vbi etiam unum annum cum dimidio sub institutione Clementis Fabri viri doctissimi mansi. Inde in Morauiam descendi et Mezericii cis Os- clabam in illustri schola Baronum tres annos consumpsi Rectore M. Gasparo Kipsero, inde in oppidum Daubraunik ad docendam iuuentutem per R. virum Briccium Taiouinum Decanum eius loci sum vocatus et vna cum eo mansi vsque exilium, quod factum est per Jesuuitas. Inde susceptus bonus senex a domina Alina Bercouissa in ditionem suam in oppidum Tassow me sibi adiungere voluit in Diaconum consensu eiusdem Baronae et Superintendentis Simonis Haliaei Decani illius loci. — O. [24. April.]
