Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1583
163 Cum autem studiorum meorum hic unicus scopus et unica meta proposita fuerit, ut Ecclesiae Dei sancta dicendo ét faciendo aliquando inseruire possem: Reuerenter a collegio Theologico petii, ut me admitteret ad examen mihique testimonium publice docendi Euangelii Christi in ecclesia praeberet (si quidem in patria spes mihi facta esset, ut ad Diaconatum substituerer, quod et impetraui). Factum est autem id a me, ne tertio difficillimi, longissimi et periculosissimi itineris aleam subire cogerer. — 0. [31. Oct.] 1583. 213. Ego Dauid We r n er us Joachimicus fundamenta artium in patria ieci, postea Dresdae in schola illustri sub disciplina viri optimi et clarissimi Friderici Zorleri per quinquennium uersatus, Etiam Magdeburgum discendi gratia profectus sum, ibi etiam per quinquennium operam literis dedi sub disciplina clarissimi Rectoris Georgii Rollenhagii, postea ad uberiorem ingenii cultum capiendum discessi Vuitebergam et ibi per triennium permansi, etiam Magisterii titulo ornatus sum. Tandem in oppidum Schuenitz ad diaconi munus ab Ecclesia sum uocatus. — O. Judica Leyser. [17. März.] 214. Ego Johannes Alborn Kyrchainensis qui primum in initiis honestarum literarum in patria, deinde per quadriennium in schola Freibergensi sum instructus. Postea ad maiorem cultum ingenii tum in artibus tum in doctrina coelesti comparandum contuli me in illustrem Academiam Witebergensem, ubi duos annos continue uixi. Dehinc a Nobili ac Strenuo viro Heinrico a Gersdorff in Dobry lugk ad paedagogicam functionem sum susceptus, quam sustinui annos octo. Tandem a generoso & nobili Domino Christophoro a Schleinitz in Thalenstein et Rumburgk uocatus sum ad munus Ecclesiasticum in oppidulo Rumburgk Diaconi gradum subeundum. — O. Leyser. [17. März.] 215. Ego M. Felix Veselius Paczoviensis Bojemus Pragae in adoptione educatus in ludo Taulensi (quem veluti Coloniam & posteritatem scholae clarissimi doctissimique viri Matthaei Collini de re litteraria praeclarissime meriti in manum quasi traditum magna cum laude & opinione virtutis multis annis rexit & tanti artificis vestigiis insistere conatus vir magni iudicii ac sagacissimus puerilium ingeniorum censor, magister & moderator M. Georgius Nicolaus 11*
