Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
II. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1579
44 Comitis Turcensis et Domini in Lipnicz promotus in Academiam Vitebergensem totum triennium ibidem uersatus sum discendi causa. Reuersus Viteberga scholam Tribouiae Morauorum rexi triennium fere. Postea ad ministerium Ecclesiae uocatus a Generoso et Magnifico Domino Zdislauio a Rziczau Domino Sazmucii. — O. Job. Schütz. [13. Sept.] 148. Ego Jacobus Czebanus Brisnensis Pannonius iactis in patria primis fundamentis pietatis et honestarum literarum studiis Epperies sub clarissimo viro domino Luca Fabino et Tyropoli sub disciplina Matthiae Thoraconimi triennio iisdem studiis diligentem et felicem operam nauaui ac sequentibus duobus annis eadem auxi et confirmaui in schola fidelissimi et industrii iuuenis Leonardi Moko- schini Lypschae Alemannorum. Hinc per Reuerendissimum virum D. Georgium Mokoschinum pastorem Ecclesiae in fodinis Bocae ad officium Diaconi eiusdem Ecclesiae legitime vocatus. — O. Leyser. [4. Oct.] 149. Ego Nicolaus Praetorius Regiocurianus Francus litterarum elementa in patria schola usus praeceptore Gabriele Hofflich ieci. Quia uero haec pontificiae idolomaniae subiecta erat, ita ut sine conscientiae vulnere in illa uiuere non possem: parentum suasu Suinfordiam me contuli, ubi integrum quinquennium sub M. Zacharia Moibano Vratislauiensi pietati ac bonis literis fui addictus. Tandem Augustam profectus, ubi cum quadriennio paulo amplius vixissem: quod tempus magnam partem consumsi tum audiendis praelectionibus publicis clarissimi doctissimique viri D. Hieronymi Vuolfii, utriusque linguae in Gymnasio illo Doctoris: tum id contuli ad formandos puerorum mores, quos primis litterarum elementis priuatimque erudii, dignus sum existimatus, ut beneficio Viri eruditione pietate nobilitatisque genere praestantissimi D. Joannis Heinrici Linck ornatus in Academiam Jenensern, in qua biennium integrum sum uersatus, mitterer. Inde cum biennium in Academia Wittebergensi uixissem et sanarum litterarum studio operam nauassem, intercessione et autoritate viri clarissimi et excellentissimi Theologi D. D. Polycarpi Leiseri praeceptoris mei omnis reuerentiae cultu dignissimi et patroni venerandi a Nobili et Generoso D. Sigismundo a Puchaimb libero Barone in Rabs et Krumbach, Domino in Dobresperg haereditario dapifero Austriae inferioris, Romanae Caesareae Maiestatis Consiliario ad munus Ecclesiasticum uocatus. — O. [28. Oct.]
