Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
II. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1578
37 126. M. Balthasari Drommero nato in oppido Mittweida patre Sebaldo Drommero sartore, instituto in primis pietatis et Linguarum fundamentis in schola patriae: deinde Freibergam misso et ibi commorato biennium sub praeceptore clarissimo viro M. Valentino Appelle: inde vero Dresdam profecto et in ea schola versato integrum triennium sub disciplina doctissimi viri M. Friderici Zörleri: postea in Academiam Vitebergensem a parentibus et patronis misso anno Christi 1574, vbi primum se sustentauit nobiles quosdam adolescentes in aedibus reuerendi et clarissimi viri domini Doctoris Casparis Eberhardi pie defuncti instituendo: deinde vso beneficio illustrissimi principis ac Domini Domini Augusti Ducis Saxoniae, Electoris etc. integrum triennium et semestre: tandem vero a Reuerendo et clarissimo viro Domino Doctore Polycarpo Leysero, pastore Ecclesiae Vitebergensis praeceptore suo summa observantia colendo nomine generosi Domini Domini Michaelis Ludouici a Pucheim, Domini in Göllersdorf, Archiducatus Austriae sub Anisum dapiferi haereditarii supremi, Romanae Caesareae Maiestatis consiliarii etc. vocato ad docendum verbum Dei in Göllersdorf Austriae. — O. Leyser. [17. Sept.] 127. Ego Jacobus Pellio Tribouiensis Morauus in patria schola iactis fundamentis artium liberalium et linguarum in scholam Goldbergensem missus sum anno 1575 sub priuata disciplina M. Martini Taborini ac ibi ipsum audiui in alterum annum. Deinde a tutoribus meis missus sum in hanc Academiam Wittebergam anno 76, ubi per duos annos audiui Doctissimum virum D. D. Polycarpum Leiserum pastorem ecclesiae Wittebergensis ac M. Johannem Schutz, a quibus praeceptoribus meis Reuerendissimis atque omnibus modis colendis (oblata uocatione a Reuerendo viro Martino Tödtenwolff pastore Ecclesiae Tribouiensis et magistratu illius loci) ordinatus sum ad diaconatum Ecclesiae in Tribouia Anno 1578 24. Sept. 128. Ego Helias Schubertus Görlicensis Hexapolitanus in patria prima rudimenta necessaria artium ieci per Quinquennium. Deinde a patre Adamo Schubertho Ecclesiae Ebersbachensium pastore (defuncto) in scholam Budissinensem missus sum sub disciplina M. Galli Emmanni Iutrobocensis. Deinde a tutoribus meis Magdeburgiam missus sum et postea in celeberrimam Academiam Erphordensem ueni, ubi per duos annos uitam egi, de qua legittime ad Diaconum Schlugnauensis Ecclesiae uocatus. — Ü. Bugenhagen. [2. Oct.]
