Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
II. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1578
38 129. Ego Andreas Crupinius Carponensis Pannonius prima pietatis et artium fundamenta ieci in schola patriae sub M. Georgio Saltzbanck. Deinde ad uberiorem studiorum culturam beneficio senatus et parentum meorum missus sum in scholam Bartphensem Anno 71. Rectore viro clarissimo D. Thoma Fabro, collega ipsius viro ornatissimo Georgio Radaschino, ibi per quadriennium sum uersatus. Tandem ita uisum erat Dominis meis, uocatus sum in patriam ad officium collegae ibique cum Rectore Laurentio Drexlero fideliter iuuentutem scholasticam per integrum annum institui. Postea cum senatus patriae meae uideret meam diligentiam in informanda pueritia, liberalitate et patrocinio Amplissimi Senatus patriae missus sum in hanc celebrem Academiam Vitebergensem anno 1576 Magnifico Domino Rectore D. Salomone Alberti. Hic habui fidelissimos praeceptores Reuerendum et clarissimum D. D. Polycarpum Leiser, M. Johannem Schütz et coeteros qui me in uera religione et pietatis doctrina fideliter erudierunt, pro hac felicitate mihi a Deo concessa gaudeo et Deo ago gratias. Tandem Deo sic uolente vocatio mihi est oblata a senatu patriae et Reuerendo viro Domino Georgio Vlentz et M. Matthia Eberhardo pastore Schemnicensi, datis literis ad praeceptores meos fidelissimos ordinatus sum ad Diaconatum Ecclesiae Carponensis. — O. Leyser. [15. Oct.] 130. Ego MatthiasLochner Schönfeldensis e finibus Bohemiae didici prima fundamenta in schola paterna a doctissimo viro Christo- phoro Meder, postea uero propter inopiam parentum missus alio, ad comparandum uberiorem cultum ingenii veni Naburgam ibique per annum instructus sum in liberalibus artibus a doctissimo viro Litticho Joachimico, postea contuli me Chemnatium ibique incubui literis per biennium, et aliquandiu etiam uersatus sum Augustae Vindelicorum, item Kaufburnae per semestre, dehinc profectus sum in Misniam dedique operam Leucopetrae literis ultra semestre sub disciplina doctissimi viri M. Petri Horn, Postea ueni Aldenburgum et ibi per biennium fideliter instructus fui in artibus liberalibus a M. Michaele Chiliano et a M. Sole. Postea consilio praeceptorum profectus sum Berlinum ibique quadriennium incubui literis sub disciplina M. Sebastiani Brunnemanni. Tandem consilio parentum veni in haue celeberrimam Academiam Witebergensem et didici doctrinam coelestem a M. Oberndorfer, D. Pomerano, Crellio et multis aliis
