Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
II. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1578
1 3<; 124. EgoLucasPelckiusLypscheiisis Pannonius prima principia literarum hausi in patria mea sub disciplina humanissimi et eruditissimi viri Petri Baroschii per triennium, tandem persuasione parentum meorum et aliorum virorum contuli me Cassouiam, ibidem fauente diuina clementia uersatus sum apud Humanissimum Doctissimumque virum Rychardum Kaufni per annum. Deinde quoque Schemnicii apud Dominum Dodokium praesente Reuerendo uiro domino M. MathiaEberhardo, Tandem diuina sic ordinante clementia a Reuerendo viro Domino Cholissouino Praeposito Nouae duitatis nec non etiam ab aliis ciuibus legitima et honesta vocatio oblata est ad munus ministerii. — O. Leyser. [6. Aug.] 125. Ego M. Hieronymus Schein Dresdensis prima pietatis et artium fundamenta ieci in patria sub praeceptore M. Nicolao Caesio. Deinde ad ampliorem studiorum culturam benefirio senatus missis in scholam illustrem urbis Misenae Hermundurorum ad Albim Rectore clarissimo viro D. Georgio Fabricio, collegis eius viris ornatissimis D. Mathia Marco Dabercusio, Hiobo Magdeburgo, Wolffgango Figulo Musico, artes dicendi, linguam graecam et latinam didici. Hinc ad celeberrimam Academiam Lipsensem consilio praeceptorum, patrocinio et liberalitate Amplissimi senatus patriae me contuli Anno 1554, ubi studia quinque annos integros continuavi et primos in philosophia honores adeptus 1559. Vocatus inde ad prorectoris munus Annaebergam iuuentutem per biennium institui. Tandem locum mutans Cadani et Bruxi in Bohemia pueritiae operam locaui meam per quadriennium, ubi propter religionis fidem, confessionem et constantiam Christo filio Dei debitam quater in exilium coniectus in Saxoniam inferiorem, Lubecam prope mare Balticum prorectoris officio functus. Dulci uero patriae desiderio, aeris incommoditate, ualetudinis imbecillitate, solum vertere compulsus in Bohemiam rediens in aula Generosi Domini D. Alberti Schligk Comitis de Basau et Weissenkirchen, D. in Winteritz, praeceptoris labores sustinui. Aulae demum pertaesus molestias et sedes studii quaerens accommodatiores in vallibus Wesensteinianis sub generoso viro D. Rudolpho a Bunow, arcium Wesenstein et Blanckenstein prope patriam Dresdam ludum aperui, vitra quadriennium. Ad extremum diuinae maiestatis proui- dentia et uoluntate Illustriss. principis Augusti potentiss. Electoris Saxoniae, clementissimi Domini nostri et literarum patroni mandato in Arnsfeld pagum prope Annaebergam in locum pastoris Ecclesiae filii Dei vocatus. — O. Leyser. [10. Sept.]
