Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1600
238 functus ad ministerium Ecclesiasticum per Magnificum Dominum D. Melichiorem Balazi in oppidum divum Nicolaum sub castrum Plawe legitime vocatus. — O. 4. Adv. [23. Dez.] Hunnius. 602. Stanislaus Stankowicz natus in Kemnetna pago in Loptoviensi comitatu ex patre Petro Stankovicz, matre vero Gerdruta Kyrali legitime copulatis traditus literis Rosembergam ad discendum, adolescens missus Bitczam, tandem Galgocium, hinc vocatus ad Rectoratum in oppidum Radocowecz, ubi vixit per integros sex annos, hinc ad munus sacri ministerii legitime vocatus et per Reuerendum D. Anthonium Crochrouium Decanum Szakolciensem Witebergam commendatus. — O. 4 Adv. [23. Dez.] Hunnius. 1600. 603. Ego Paulus Rüdinger Rudersdorfinus Thur. M. et poeta Caesarius, honestis parentibus natus primum in scholam patriam ductus, tandem ad Rosaelebianam Witzlebiorum scholam et Magde- burgensem missus prima pietatis et literarum fundamenta jeci. Vt autem maiorem mihi literarum cognitionem compararem Lipsiam adeoque Jenám accessi. Vocatus denique ad munus pastorale obeundum in Olbersdorf Bohemiae, a nobilissimo Equite, Dn. Georgio Hochausero ab Hochausen, Toparcha in Eysenberg et Welmschlos. — O. 6. Januar. Hunnius. 604. Ego Johannes Clericus Mulbergensis Misnicus in illustrem ad Dalam ludum a senatu patriae missus ibi integrum exegi sexennium. Quo finito cum stipendii adipiscendi spes mihi esset adempta neque sumtibus propriis amplius studia continuare valerem, necessitate coactus functionem scholasticam in patriasuscepi. Inde in Borussiam ad virum Reverendum et clarissimum D. D. Christophorum Grunerum me contuli, qui me ad paedagogiam ibidem, cui triennium fere praefui, promouit. Verum paedagogiae quoque pertaesus cum literis a. d. Andrea Junicelio affine meo in Moraviam ex patria, in quam ex Borussia me contuleram, vocarer, conditionem Cantoris Schonbergae Morauorum accepi quam etiam triennium fere functus fui. Demum ab officiali Generosi Domini D. Caroli a Lichtenstein, nomine Hano Malaschki a Feudich, intercessione M. Godeschalci Buntingi pastoris Littoviensis in Moravia praeter spem et pene citra voluntatem licet ad Ecclesiae Bladensdorffiensis ministerium, legitime tamen sum vocatus. — O. 9. Jan. Hunnius.
