Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1600
239 605. Ego Casparus Kaczer Vartembergenus Silesius natus pago prope Vartembergam Niderstraden nomine bonae famae parentibus Bartholomaeo Kaczer patre, Gerthrude matre, Vartem- bergae initia literarum ab infantia per octo ferme annos hausi. Unde a patre in illustrem scholam Bregensem ductus per integrum annum literis ibi operam dedi. Hinc Vratislaviam mortuo patre delatus solidiore artium fundamento percepto in Moraviam et Bohemiam Musices addiscendae gratia profectus et per tres annos ibi moratus, cum magis ea quae alibi imbiberam, dediscerem paulatim, quam magis addiscerem, in patriam reversus a Nobili et Doctissimo viro Dn. Vito ab Oder- volff in Niderstraden, Domino meo haereditario Francofurto a studiis reverso, et iter ad alias Academias habente, pro famulo assumptus sum ac primo Francofurti ad Oderam depositus et in album ascriptus sum. Mox Ihenam cum eo perlatus per biennium ibi mansi et in Baccalaureum Philosophiae promotus sum, promotore et Decano facult. phil. M. Nicolao Rosthio Diacono. Unde Lipsiam me dedi ac per annum cum dimidio ibi versatus auditas Jenae a Rev. ac Clariss. viro domino Doctore Georgio Mylio et aliis lectiones repetii ac totum me Theologiae tradidi. Deficiente vero sumptu primum in patriam, hinc in Bohemiam perlatus in oppido Bystry scholam administraui. Unde a Reverendissimo viro D. Martino Richnovino Ecclesiaste Prostannensi in collegam sibi et Diaconum in Moraviam legitime evocatus et susceptus a senatu eius civitatis et Decano senioribusque Diocoeseos Brunensis testimoniis ornatus. — 0. 20. Jan. Hunnius. 606. Ego M. Clemens Anomoeus Turssenreutensis Palatinus honestis natus parentibus in schola patria ad annum aetatis usque undecimum educatus anno 1586 aetatis duodecimo a Domino meo patruo Doctore Medico Matthia Anomoeo Linzium in Austriam superiorem vocatus sum studiorum gratia. Vixi ibidem annos integros novem. Deinde Vitaebergam missus studia continuavi philosophica biennium: tandem Anno 97 sub clarissimo viro Domino Friderico Tilemanno J. U. D. Magisterii gradum consecutus sum. Inde revocatus in Austriam vixi cum tribus generosis Baronibus a Tscher- nembl praeceptor. Denique anno 1600 circa festum Epiphaniae a Generoso Domino Achazio Höhenfeldero in Aistershaim et Almegg, Peurbachii oppiduli Domino ad Diaconatum vocatus Wittebergam ordinis petendi gratia missus. — O. 10. Febr. Gesner.
