Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIII. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1596
184 meam cerneret Reverendus vir Dominus Martinus Richnovinus et civitas Mezericensium, vocationem legitimam mihi obtulerunt, ut apud ipsos Diaconatus officium sustinerem. — O. 11. Jan. Hunnius. 474. Ego Joannes Arcesius Polnensis piis ac honestis parentibus natus literis operam dedi in patria sub institutione Joannis Richnovini, deinde profectus Euuancicium, praeceptor meus fuit Matthaeus Colinus, inde Mezericii usus sum praeceptore Joanne Ursino Marleschusensi. Vocationem legitimam obtulit Martinus Richnovinus Decanus tum temporis apud Mezericenses, et civitas eadem, ut apud ipsos subdiaconatus sustinerem officium. — O. 11. Jan. Hunnius. 475. Ego Johannes Vuolphius natus in pago Keyssem in finibus Turingiae et Eychsfeldiae sito prima rudimenta latinae linguae percepi sub praeceptoribus Jesuitis Heiligenstadii in provincia Eychsfeldensi degentibus, sub quorum disciplina ibidem biennium transegi. Postmodum deficientibus sumptibus de consilio meorum amicorum Erphordiam me contuli, vbi promotore quodam Canonico a Priore Carthusiae in famulum susceptus sum, vt illorum sacris seu, vt vocant, Missis inservirem. Deinde Heyligenstadium remissus fui, vt ibi maiora conditionis incrementa sumerem. Cum vero omnes scholae classes pertranssissem et humaniores litteras mediocriter didicissem : tandem Herbipolim Franciae Metropolim Carthusiensium sumptibus missus sum, vbi quoque ferme biennium commoratus fui. Videntes autem mei superiores, quod tanta doctrinae copia instructus essem, vt facile ad sacerdotis honorem promoveri possem, Herbipoli ex medio studiorum cursu me auocaverunt et habitu monastico me induerunt, sub quo et sex annis vixi perferendo sane istius ordinis onera durissima. Quia vero misericordissimus Deus me in istis densissimis tenebris vlterius haerere nolebat, ordinavit ex paterna sua voluntate, vt ex. meorum superiorum iussu ad monasterium Gemmingen in Austria situm mitterer, adiuturus ibi fratres in celebrando et persolvendo pontificiorum cultu. Verum in ipso itinere Lynzii diverti, et cum Reuerendo Dn. M. Johanne Caementario istic loci primario concionatore de quibusdam fidei articulis placide contuli, qui plurimos scrupulos, quibus cruciabar, mihi eximebat, cuius quoque promotione a DD. Proceribus illius provinciae benigne susceptus, honeste ad tempus sustentatus et liberali stipendio proposito ad hanc Witebergensem Academiam missus sum, vt hic religionis articulos accuratius cognoscerem, quod et triennii spacio per divinam gratiam
