Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIII. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1596
185 _ e x doctissimis reverendorum meorum praeceptorum disputationibus et lectionibus consecutus sum. Inter Professores primo loco colloco Reverendum et clarissimum virum D. Hunnium patronum meum perpetua obseruantia colendum, D. Gesnerum, D. Rungium et D. Johannem Volchmarum. Denique quod felix et faustum sit, a DD. Proceribus Austriae revocatus et praemissa ordinatione parochiae Weinsbergensi praefectus sum. — O. 20. Jan. 476. Ego Dauid Dentulus Thaborenus Bohemus prima liberalium artium elementa in patria jeci, post inopia parentum meorum oppressus una cum populari D. Johanne Thesauri Thaboreno Gorlicium ad studia abivi ibique per duos ferme annos exegi. Slanam tandem instictus amicorum consilio ad continuanda studia profectus sum ibique per quinquennium superis faventibus operam honestis artibus dedi. Melnicii cis Albim aliquantulum temporis insumpsi. Tandem multis rationibus a. R. D. Decano Martino Stephanidae Nosislavino Moravo, pastore Chrudimensi per honorificam commendationem et legitimam vocationem Richnovium ad regimen scholae vocatus sum ibique iuventutem a Deo et Republica commissam per quadriennium continuum auxiliante Deo magna cum animi dexteritate et fidelitate in studiis humanioribus instruxi. Animadversa tandem legitima vocatione per virum honestum et eruditum D. Johannem Crapkomium Richnovinum eiusdem Ecclesiae fidelem ministrum re- liquosve viros orthodoxos facta. — O. Invocavit [29. Febr.]. Hunnius. 477. Ego Conradus Steinheuser, Neustadiensis ad Orylam a piis et honestis parentibus ibi natus et in patria schola sub Rectore M. Basilio Bohemo viro clarissimo et Superintendente M. Stephano Roth viro doctissimo educatus sum et prima semina literarum et honestatis hausi. Ex paterna schola a parentibus et amicis meis in celeberrimam Academiam Lipsiacam missus et quadriennium ibi literis operam dedi sub praesidio Nicolai Selnecceri Doctoris et Zachariae Schilteri. Ab Academia autem profectus paedagogiana apud Nobilem Abrahamum a Schönbergk adeptus quadriennium functus a Nobilissimo et Generosissimo viro Rudolpho a Bina ad Ecclesiasticam functionem in Bohemiam legitime sum vocatus. — O. 10. März. Hunnius. 478. Ego Chrystophorus Lodicillides Georgembergenus Silesius natus ibidem, per parentes meos traditus sum in scholam meae patriae sub disciplinam. Inde iterum concessi in Marchionatum
