Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1590
250 parentum humanioribus literis operam dedi. Hinc rursus circa finem anni 81 Witebergam me contuli, et tandem Anno 83 Decano Cl. et doctissimo viro M. Joanne Hagio Witebergensi ibidem gradu Magisterii philosophici ornatus sum. Ingruente vero et immaniter grassante tandem lue pestifera una cum aliis studiosis iuvenibus in Austriam me contuli, quo cum pervenissem, statim ab inclyto et Generoso Barone DD. Gundaccero a Starhemberg, Henrid olim Rectoris huius Academiae, fratre ad suscipiendum munus scholasticum Eferdingi in superiori Austria vocatus sum. Inde tum ejiciebantur cum Ecclesiae tum scholarum ministri, scilicet dogmatis perversi Illyrici de peccato originali assertores ac propugnatores acerrimi In illorum locum suffectus biennium ibi scholam rexi et matrimonium etiam contraxi satis feliciter, laus Deo opt. maximo. Tandem literis amplissimi ac prudentissimi Senatus Freistadiensis in superiori Austria ad gubernationem scholae ibidem sum vocatus. Cui vocationi permittente Generoso Barone parui et cum familia illuc concessi. Cui gubernationi quadriennium praefui. Pertaesus vero istius scholastici pulueris ea functione me abdicavi et ad politicam vitam me conferens in illa annum et paulo ultra perstiti, donec ex insperato, sed dubio procul ita volente et ordinante Deo. a Generoso et inclyto Barone DD. Joanne Wilhelmo D. a Zelckhing ad suscipiendam curam animarum in pago Leonstein, qui jurisdictioni praedicti Baronis immediate paret, legitime vocatus sum. — O. Hiitter. [17. Dec] 1590. 362. Ego Georgius Homolovinus Radvanensis Pannonius natus ibidem sub ditione Generosi Domini Francisci de Radwan, Vicecomitis Comitatus Zoliensis dedi operam literis primo sub praeceptore Balthasare Hodikio in patria Radvan, hinc profectus Epperies, ibidem usus sum disciplina D. Severini Sculteti, hinc factus adultior redii Novisolium et ibi navavi operam literis sub praeceptore D. Paulo Halvepappio Magistro, hinc me contuli Prividiam capessendae uberioris doctrinae gratia atque hic sub praeceptore fidelissimo D. Alberto Husselio fere per quadriennium degi, hinc explorandae et percipiendae aliorum doctorum virorum eruditionis et virtutum causa appuli oras Scepusianas et mansi Novocomii sub praeceptore Georgio Simonide aliquantisper et Cibinii sub praeceptore Christophoro Hortalio tantundem, illinc reversus in patriam vocatus sum legitime .i
