Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1589
247 profectus sum, ibi quoque biennium commoratus, inde vocatus sum a D. Hieronymo Opitio Superintendente Bischoffwerdensi ad munus Ecclesiasticum nimirum ut agerem Diaconum Goedae. — O. Voit. [31. Aug.] 353. Ego Benedictus Mikuss Bylinus prima literarum fundamenta in patria ieci, deinde Lunae vnum exegi annum, deinde consilio meorum parentum in Sclauoniam veni, ibi Rozebergae per biennium operam studiorum nauans sub praeceptore Americo Drobni a S. Joanne. Inde Pragam versus uixi annum integrum apud Diuum Endricum regente scholam D. Magistro Joanne Trebovino et postea Eyuanczichium uocatus sum ad officium Cantoris, ibi per quadriennium adiuuaui meos praepositos. Inde legitime uocatus sum ad ministerium Ecclesiasticum Mezricium a Reuerendo uiro Domino Mathia Posthumio Taboreno, Decano Mezricensi et ab amplissimo Senatu. — O. Voit. [13. Sept.] 354. Ego Joannes Zoardi Biloviczenus Moravus rudimenta Grammaticae Hunnobrodae sub praeceptore Martino Malobiceno primum accepi, Deinde Trenchinii in Pannonia praecepta Dialecticae et Rhetoricae, Post Vitebergae propriis sumtibus victitans non nihil vtilitatis rediit ad me, cum ex studio philosophiae, tum sacrosanctae Theologiae. Tandem vocatus sum a Reverendo viro Domino Martino Malobiceno Decano Hunnobrodensi ad ministerium Ecclesiasticum. — O. Voit. [5. Oct.] 355. Ego Georgius Alophiticus Wolinus praecepta Grammaticae Slanae sub praeceptore Jacobo Picardi Volino, deinde Colinae praecepta Dialecticae et Rhetoricae accepi. Tandem vocatus sum a Generoso Domino Procopio Zhotsky De Pteni et in Krzizianov et a senatu eiusdem oppiduli ad ministerium ecclesiasticum. — 0. Voit. [Zwischen 5. und 11. Oct.] 356. Ego Stephanus Predmerita Pannonius de oppido Predmir ad fluvium Vagum inclyti regni Hungarici primariarum literarum fundamenta ieci Illaviae, hinc profectus Patachinum ubi sub Mathia Thoraconymo liberalioribus artibus operam plus minus annum locavi, unde discedens scholam Straznicensem rexi per annum reversus tandem in patriam a Reuerendo viro domino Petro Bergero ad munus Ecclesiasticum vocatus a Generoso ac Magnifico domino Georgio Thurzo comite comitatus Arvensis et Ecclesiae Biczensis commendatus. — O. Voit. [11. Oct.]
