Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1589
248 357. Ego Georgius Scholdius Hippolytanus Austriacus pietatis, morum ac literarum sexennium in schola vrbis Cremsae in Austria infra Onasum sitae vivens Dei gratia rudimenta fundamentaque posui. Hoc temporis interuallo exacto hanc celeberrimam Viteber- gensium Anno Christi 84 ad maiorem ingenii cultum capiendum, D. Praeceptorum meorum consensu ac consilio accessi Academiam et hic liberalium artium studiis per quatuor annorum spacia versatus üsque tantam, quantam exiguae ingenioli mei vires, inopia ociumque a famulando aliis operam concedere praestareque possent, dedi. Cum autem duro paupertatis telo premerer perpetuo, neruis studiorum carerem, progressus tamen interea in studiis, etiam emolumento olim aliis futuros, etsi summo cum labore tamen Dei benedictione me fecisse animaduerterem ac fortunam meam secundum Dei voluntatem mutare ex puluereque scholastico emergere tentarem, patrios reuisi lares. Haud diu commorans in patria, a diuina clementia in arce et pago quodam Würmbla dicto in pueiorum informatorem ac praeceptorem tum publicum tum priuatum per Nobilem ac Strenuum istius loci Dominum Andreám Kornfail sum Constitutus. Ibi anni curriculum hoc scholastico munere functus Dei voluntate ac prouidentia legitime a Nobilissimo ac Strenuo Domino Alberto Enenckel ab Albrechtsperg in Hoheneck, Goldeck, Zällern, Magistratu et a toto Ecclesiae Hafnerbachensis caetu ad ministerium sacrum ac pastorem in pago Hafnerbach nominato ex commendatione et testimonio Doctorum ac Reuerendorum virorum D. Balthasaris Masconis oppidi Lostorf Pastoris, Domini Pauli Fabricii Pastoris in Zelcking, Domini Adami Timneri pastoris in Carlsteten, Domini M. Christophori Berchhaimeri Pastorem tunc temporis in Hafnerbach agentis fui promotus et vocatus. — O. Voit. [19. Oct.] 358. Ego Matthias Wolginii Pannonius primo dedi operam in civitatibus Montanis et in patria et ita vocatus sum ad ministerium Ewang. diaconatum a D. Alberto Huselio. — O. [29. Oct.J 359 Ego Georgius Regius Hostomnicenus prima fundamenta literarum honestarum in patria mea ieci. Consilio denique meorum parentum et voluntate Pragae honestis literis operam dedi. Hinc Montibus in Guttnis per quinquennium studui sub paeceptoribus D. Johanne Polentarii Zebraceno, D. Johanne Sussilio Racovniceno, D. Johanne Kochan Straconiceno, item Martino Kochan Straconiceno.
