Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1589
240 Conrectore M. Petro Beccero Freustadiensi et M. Wenceslao Ottero Leobschicensi, Admonitus vero aetatis ratione consilio optimo praeceptorum et parentum meorum missus sum in hanc celeberrimam Academiam Witebergensem tanquam ad mercaturam bonarum artium et matrem disciplinarum, in qua dum sacrae theologiae deditus semestre spácium fui, publicis literis vocatus sum ad sacrosanctum ministerium docendi in pagum filialem Niderlangnaw et quidem parentis mei Reverendi Diaconum a Nobili et Generoso Domino Ditrich Haugwitz a Piscowitz vicario capitanei eiusdem comitatus Caesareae Maiestatis. — O. Tilemann. [27. Juli.] 350. Ego Martinus Tribal ii Holicenus Bohemus thoro genitus legitimo patre Joanne et matre Dorothea, pietatis initia et literarum in Gymnasio ieci patrio tandem adultior factus Pragam ad aedem Divo Henrico sacram me contuli bienniumque studiis invigilans sacris exegi, inde ad aedem Divi Nicolai me subduxi et laudem in Academiam Pragensem promotus Altaemyttam M D. Petro Codicillo autore concessi secundaeque decuriae praefecto successi. Hinc Trebenicium me contuli et Jehovae instinctu a R. viro D. Joanne Pytthico Mantinensi, pastore Ecclesiae Trebiulicensis et Zipzusiensis ad ministerium Ecclesiasticum vocatus. — O. Mich Hutter. [Zwischen 30. Juli und 31. Aug.] 351. Ego Simon Monachus Bohemus Lippae legitimo thoro natus in patria fundamenta literarum et semina pietatis ieci. Postea ad uberiores fructus studiorum capiendos missus sum in scholas exteras. Pirnae triennium, Friburgae biennium, Bregae Elysiorum quinquennium operam nauaui literis. Witteberga ex celeberrima Academia, ubi semestre uersatus, uocatus sum ad munus scholasticum in patriam, cui praefui integrum sexennium. Inde a Generoso Domino Johanne a Wartenberg, Domino in Neunschlos ad munus Ecclesiasticus in oppidulum Neustadt uocatus. — O. [Zwischen 30. Juli und 31. Aug.] 352. Ego Andreas Martini Goedensis thoro genitus legitimo patre Martini Mertzinck et matre Elisabetha Buttradin, liberalium artium prima initia didici in patria una cum institutione religionis uerae: deinde consilio parentum meorum missus sum in superiorem Vngariam (montanas duitates ut appellant), ibi sexennium operam dedi bonis literis Schemnitii et Regiomonte: postea Witebergam
