Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1589
244 344. Ego Venceslaus Fabri Strakonicenus ex parentibus tenuis fortunae natus, ubi primum in schola patriae meae et Glaciensi fundamenta aliquo modo ieceram, ex consilio parentum meorum Strakoniczii me contuli, ibi paedagogiam nactus per triennium fere versatus sum, hinc Argentoratum versus profectus propter sumptuum defectum annum integrum me sustinere non potui, reuersus itaque domum in Regione Boemia in civitate Noua Domo in oppido Borouice Rudne per quartum annum scholam rexi. Vocatus vero a Reueren- dissimo viro D. Venceslao Lucauiense Facilio ad Ecclesiasticum ministrum verbi diuini. — O. Voit. [13. Juni.] 345. Ego Melchior Sorbinus Wansowiensis Silesius in schola Nouosoliensi fundamenta pietatis et artium bonarum posui per sexennium sub ludimoderatore R. D. M. Paulo Haluepapio. Deinde uocatus sum Woizam, illic per duos annos functus sum officio rectoris. Postea uocatus sum Handlouiam ad officinum rectoris. Postea uocatus sum a R. D. Thoma Thimaeo pastore Handlouiense et a Magnifico Domino Thursa ad officium Diaconatus Handlouiam. — 0. Voit. [22. Juni.] 346. Ego Elias Rubecula Netolicenus prima literarum fundamenta in patria jeci, deinde Slanae unum exegi annum pietati et liberalibus disciplinis operam navans sub praeceptore Hieronymo Machabaeo Kraloviceno et Budehovicii Praeceptore Matthia Inquilino Prageno per triennium usus sum, cum ipso, tandem in Academia Pragensi per semestre studui et Slanae collegae officio functus sum. Deinde Mesericium a M. Petro Codicillo promotus sum, ubi per triennium apud D. M. Johannem Vrsinum collegae officio praefui. Postremo Mesericio vocatus Eywanczicium, ibi per integrum annum scholam rexi. Hinc legitime vocatus ad ministerium Ecclesiasticum a Johanne Sedleywino Pastore Ecclesiae eiusdem civitatis et ab amplissimo senatu. — O. Voit. [29. Juni.] 347. Ego Ernestus Cnappius hac mea manu omnibus testatum facio atque profiteor bona fide, me bonis et honestis parentibus in oppido Silesiae Boleslauia prognatum esse, ibi prima fundamenta literarum ueraeque pietatis fideliter posuisse ibique usque ad annum XIX. aetatis meae literis operam dedisse, tandem ex consilio meorum parentum et tutorum in Philippicam Scholam Gorlicensem missus sum, ibi etiam foeliciter integro quadriennio
