Fabó András: Monumenta evangelicorum Aug. Conf. in Hungaria historica III.

III. Comitatus arvensis - Sectio II. De ecclesiis in pagis

turbatus est. Filiales habuit Lehotam et Chlebniczam; haec aedificatum anno 1647. oratorium die 13. oct. per superintendentem Ka- linka inaugurabat.

2) Jablonka

In terminis Poloniae, itidem jussu praefati comitis fundata, Balthasarem Valentini radvanensem primum pastorem habuit. Post hunc Matthiam Migra, anno 1616. ordinatum, Martinum Levi, Michaelem Sztankovics, Venceslaum Adami, et Joannem Zahora ministros regestra superintendentum adscriptos habent. Urgentibus statibus romano-catholicis, imo rege Ferdinando III. locus pro templo romano-catholicorum anno 1655. per comitem Stephanum Tököly consignatus fuit, a quo tempore primus hic plebanus Joannes Schechovicius multas nostris inferabat vexas, quoad persecutione invalescente, anno 1672. praefatum pastorem Zahora ejecisset, templum occupasset. Sub revolutionibus ejectus pastor redibat, restrictis ecclesiis iterum penitus amotus.

3) Isztebne.

Longo tempore velicsnensis filia, jussu regio tandem anno 1681. inter articulares ut mater declarata, Stephanum Clementis acceperat pastorem, pulsum Velicsna, iterumque anno 1682. et 1709. reductum moxque eodem ad Isztebnara redeuntem, cui ad annum 1713. praefuit, quem sequebantur : Daniel Bodroviny ad annum 1747., Joannes Tonsoris ad annum 1773., Stephanus Dolo- viczény ad annum 1780., Joannes Zubek ad annum 1784.. Modo praeest ecclesiae Andreas Urbanovics. Perdurante clade rei evange- licae per seculum fere in comitatu multis millibus animarum ecclesia haec et Lestyina refugium exstitit. Satis praeterea divexata et hodie viget; velit optime ei deus !

4) Lestine.

Ad Kubin antea filialis. Uti quidem initio reformationis opera dominorum Zmeskal prima hospitium dederat docentibus primis ita fere toto comitatu anno 1673. pulsos ministros saepe sinu suo tenebat. Praenobilis dominus Jacobus Zmeskal ab ecclesia velics-