Fabó András: Monumenta evangelicorum Aug. Conf. in Hungaria historica III.
III. Comitatus arvensis - Sectio II. De ecclesiis in pagis
90 nensi exulem Matthiam Petrovics a sacris habuit, quoad effectum, ut anno 1688. ecclesiae juribus locus donatus fuerit *). Pastor praefatus sub tumultibus bis ad Kubin inductus, iterum huc redire debuit; sopitis illis, sub tutela familiae Zmeskal, Mesko et aliarum, magno adjacentium commodo sustentabatur ecclesia et quidem per ministros post Petrovicsium anno 1713. denatum, filium ejus Zachariam, anno 1740. Martinum Mudrony, anno 1785. Andreám Farbaky. 5) Lokcsa. Sita in superiori comitatus districtu, sub dominio illustrissimi comitis Gcorgii Thurzó, suum anno 1611. Ladislaum Lúcze primum accipiebat pastorem cum filiabus Babin, Hrustin et Kruszet- nicza, quarum oratoria anno 1666. Joachimus Kalinka superintendens consecrabat. Anno 1653.—-1660. docuit hic Nicolaus Clementis. Anno 1672. minister Joannes Frölichius cum diacono Elia Ur- siny, vi parochi submoti, imo in arce captivi, ecclesiam et res suas direptas deplorabant. Initio hujus seculi filialis Hrustin aedificata parochia recipiebat Andreám Fabricium, sub quo superintendens Krmann visitaverat ecclesiam; sed annus 1708. excidium adtulit exercitio. 6) Nizsna. Instructa per dominos patronos reditibus, deligebat initio seculi decimi septimi pastorem Georgium Francisci, postea Georgium Philippi et anno 1653. Martinum Panificis; tandem Matthiam Urbano vies persecutio anno 1672. inchoata in vincula conjecit, parochiam plebano occupante. Ab anno 1683. ad 1686., ut fecerant omnes ecclesiae, ministrum Joannem Buris reposuerat; idem attentabat et anno 1704. Matthiam Klacsany assumendo, sed post quadriennium, ut lex patriae poscebat, suppressa est. *) In comitiis anni 1681. et 1687. destinatus fuit locus pro articulari ecclesia iu Felsö-Kubin, sed dum familiae Kubinyi et Mesko de exscindendis locis necessariis convenire non poterant, tandem nobiles Zmeskal in Lestina promte talia exhibuerunt et superveniente regis commissario, comite Georgio Erdödy, confirmationem juris publici exercitii illius anno 1688. obtinuerant.
