Fabó András: Monumenta evangelicorum Aug. Conf. in Hungaria historica III.
III. Comitatus arvensis - Pars specialis - Sectio I. De ecclesiis in oppidis
86 bus immersa aegre perstitit, reducto eodem, ad armum 1672., quo pastor cum diacono, Joanne Levi, in fuga salutem quaerere coactus, res suas et ecclesiam praedae plebani reliquit. Revolutionibus male contentorum perdurantibus, anno 1683. Georgium Pixiades, anno 1704. Matthiam Klacsany, et anno 1706. Andreám Hrusovszky, ex monacho dominicano archiepiscopi colocensis sacellanum, Martino- poli per superintendentem Stephanum Pilárik inauguratum, pastores induxerant, mox cum omnibus libertatibus male vindicatis ejectos. Filiales duae habebantur, Zubrohlava et Veszele. Prior anno 1648. oratorium posuit, in quo quavis quarta dominica sacra habebantur; posterior anno 1654.. Praeter has ‘accedebant pagi, ut regestra superintendentiae habent : Jaszenicza, Vaszillo, Bobrovo, Vavrecska, Szlanicza, Lomna, Polhora, Rabcsa. Porro id fideliter observandum habeo, Veszelovam seculo XVI. inter sex matres ecclesias comitatus lmjus numeratam fuisse et anno 1602. Thomam Johannidem parochum, Venceslaum Tobiadem diaconum adhuc habuisse; quo facto in filialem degeneraverit, id non invenio. 4) Trsztenna. Cum adjacentibus pagis, utpote : Lieszek, Brezovicza, Vita- nova, Csimhova, Vlkanovecz, Szucháhora, Oszada, Oravka, Hámri, Usztya, ampla ecclesia in visitatione anni 1706. per superintendentem Krmann, simul cum omnibus ministris ejus, quorum praecipui: anno 1611. Martinus Jesztrabinus, 1647. Joannes Fabianus, 1654. Georgius Stranovius, descripta habetur. Summa ei pax ad annum 1672. perdurabat; tum reverendus Joannes Andreae alias Kardos per arcis praefectum primum ad arcem Likavam, vice altera Arvam ut captivus deductus, auro captivitate redemta ad Rima-Brezó in Kis-Honth delatus, e longinquo captivam ecclesiam deplorabat. Armis Tököly anno 1683. subacti comitatus hujus oppidi incolae recipiebant pastorem Michaelem Institoris, quem Joannes Lapsanszky et Nicolaus Pongrácz ad annum 1685. acriter persequebantur, imo sequenti anno jussu comitis Georgii Erdődy cum plebano permutabant. Ultimis tumultibus Joannes Neumann, Nicolaus Cervinus in pastorem assumtus ad annum 1709. perdurabat; tandem abducta fuit ecclesia ad sacra romano-catholica.
