Fabó András: Monumenta evangelicorum Aug. Conf. in Hungaria historica III.
III. Comitatus arvensis - Pars specialis - Sectio I. De ecclesiis in oppidis
85 2) Kubin (Alsó). Oppidani emortuo plebano, Josepho Faki, de renovatae religionis exercitio pridem solliciti, reverendum Marcelli circa annum 1558. in parochiam illocarunt, cujus opera ex toto repurgata ecclesia in tantum crevit, ut alter pastor, Matthias Kollár, anno 1583. Balthasarem Schreter *) teutoliptschensem Vittebergae in diaconum ordinandum curare debuerit. Ampla hic pace perfruebantur cultores Christi atque sub pastore Davide Eliae, qui 35. annis ecclesiae praefuit, suis sumtibus aedificatum in Alsó-Kubin templum anno 1630. perfecerant. Usus illius imperturbatus fuit ad annum 1672. quo ejecto reverendo Stephano Mensatoris, simul et diacono Isaeo Hieronymiades, dominus C. Sporck plebano, Martino Pongrácz, resignabat libertates. Anno 1683. feria novi anni subintrante domino Emerico Tököly comitatum, profugo plebano, nostri ex Lestina advocatum Malthiam Petrovics illocabant parochiae; fatis belli idem anno 1686. ejectus, iterum anno 1703. introducebatur, et quidem ad curiam prius, tandem post conventum szécsényiensem anno 1704**) in templum; in matre et filiabus perdurabat usus ad annum 1709. 2. sept., quo tempore per comitis Georgii Erdő dy directorem dominii Arva pastor pulsus, tertium rediit ad Lestyine, ecclesia autem recipere debuit plebanum Martinum Koron. Gemebant pressi hic evangelici usque tempora tolerantiae, cujus beneficio fruuntur exoptato cultu religionis sub pastore Beniamine Uh- lary ab anno 1783.. Erant autem filiales ejus : Felső-Kubin, Puczó, Knyázsa, oratoriis provisae; ad haec Zaszkál, Mokragy, Jelsova, Jaszeno7a, Medzibrogy et Lestyine. 3) Námesztó. Jussu comitis Georgii Thurzó mater ecclesia declarata primum pastorem anno 1612. induxit Joannem Neborovinum, annis 34. optime de eadem meritum. Stephanus Boczko, qui illum exceperat, a novo vicino rabeensi plebano accusatus, in exilium anno 1656. abire jussus est; ecclesiae causabat multas adversitates, qui*) Hornyanszkynál idézett m. 105. 1. : Schrotte r. **) Hibásan 1705. helyett.
