Fabó András: Monumenta evangelicorum Aug. Conf. in Hungaria historica III.
II. Comitatus liptoviensis - Pars specialis - Sectio I. De ecclesiis in oppidis
64 1612. Thomas Doroticius, tandem Jacobus Splényi alias Neussel, Parschitius, Kucsera, Urbanovics, quos protocollon continet, simul cum laudibus meritorum in ecclesiam magnifici domini Caspari II- lésházy, et consortis ejus, dominae Helenae Thurzo. Auream pacem primum turbat vi hostili dominus Georgius Bársony anno 1672. je- suitis templum resignando. Sub tumultibus patriae, sub pastoribus Joanne Bónis, Samuele Mikovinyi et Andrea Lilcze induxerant usum exercitii, qui diuturnus ob regni decreta esse non potuit. De synodo hic celebrata alibi egimus. Atroci tandem jesuitarum divexa- tioni initio hujus seculi resistere nequeuntes, omnes fere incolae deserebant sacra evangelica. Filias habebat : Szent Márton, Hr- boltovam, Revuczam, Bjelipotok et Vlkolinecz. 7) Selnioze (Szjelnicza). Ecclesiae hujus reformatio adscribitur Martino Vespertini. Refloruit praesertim sub ministris anno 1616. Stanislao Brestovszky, 1621. Nicolao Accipitrino, antea rectore rosenbergensi, 1633. Joanne Braxator et Nicolao Parschitio celebri magnatum physico, hic anno 1667. funere elato. Anno 1673. jussu dominii likaviensis hinc ejectus fuit minister Andreas Serarius et templum occupatum. In reoccupato sub tumultibus Andreas Gyurkovics sacra peragebat. Aetate hac gratia Josephi II. aedificato templo anno 1783. induxerunt ministrum Joannem Migyelka. 8) Szlécs (Trium Szlécs). Eo fato infelix, quod initio seculi XVII. loci dominium conventui thurocziensi jesuitarum obtigerit. Pastor ejus Matthias Rotarides in discrimine tentationum anno 1615. in conventu fraternitatis Nicopoli habito, a restrictione celebrationis quorundam festorum dispensationem obtinuit, livorem dominii effugere volens; pressus sequenti anno ad ecclesiam Sancti Andreae transeundo, dedit occasionem jesuitis et parochiam et templum rapiendi, propter quod factum excommunicatus per fraternitatem poenas dedit. Incolae inducebant quidem pastorem, Ladislaum Poláni, sed is quoque, non obstantibus legibus regni, anno 1623. ejectus est.
